کراچی،پاکستان پولٹری ڈیلری اینڈ لائیو اسٹام ایکسپو کا کراچی ایکسپو سینٹر میں آغاز
پاکستان پولٹری ڈیلری اینڈ لائیو اسٹام ایکسپو کا کراچی ایکسپو سینٹر میں آغاز ہوگیا ہے،نمائش کا افتتاح گورنر سندھ عمران اسماعیل نے کیاسہ روزہ نمائش میں لائیو اسٹاک ،ڈیری فارمنگ کی ملکی و بین الاقوامی کمپنیز کی جانب سے اسٹال لگائے گئے ہیں۔
گورنر سندھ عمران اسماعیل نے ایکسپو میں لگائے گئے اسٹالز کا معائنہ بھی کیا۔ آخر میں گورنر سندھ نے پولٹری، ڈیری اور لائف اسٹاک کے شعبے میں بہترین کارکردگی دکھانے والوں میں اعزازی شیلڈ بھی تقسیم کی۔
وزیر اعظم نے کہا تھا کہ یہ وہ پروگرام ہے جو ملکی ترقی میں اہم کردار ادا کرسکتا ہے،ڈیری فارمنگ اور لائیو اسٹاک کے شعبے کو ترقی دینا ہے،دنیا میں کئی ممالک نے اس شعبے کی بدولت ترقی کی ہے۔
نمائش میں پاکستان گوٹ ایسوسی ایشن کی جانب سے بھی اسٹال لگایا گیا جس کے ذریعے شرکا کو بکریاں پالنے کے حوالے سے ترغیب اور مفید مشورے دیے جا رہے ہیں ،منتظمین کا کہنا ہے کہ گوٹ فارمنگ ملکی معیشت میں اہم کردار ادا کرنے کے ساتھ ساتھ روزگار کی فراہمی کا بھی ذریعہ ہے،اس شعبے سے استفادہ حاصل کرنا وقت کی اہم ضرورت ہے اس سلسلے میں پاکستان گوٹ ایسوسی ایشن بھر طریقے سے اپنا کردار ادا کررہی ہے۔
ذرائع ابلاغ عامہ کے نمائندے سے گفتگو کرتے ہوئے پاکستان گوٹ ایسوسی ایشن کے سی ای او صداقت حسین کا کہنا تھا کہ گورنر سندھ گوٹ ایسوسی ایشن کے اسٹال پر تشریف لائے جس سے اس شعبے میں حکومتی دلچسپی ظاہر ہوتی ہے،ہمارا مقصد پاکستان کے تمام ضلعوں میں گوٹ فارمز بنانا ہے اور اس کا آغازبھی کردیا ہے جبکہ اس سلسلے میں ٹھٹہ میں ایشیا کا سب سے بڑا گوٹ فارم بنایا گیا ہے۔
محمد فاروق کا کہنا تھا کہ بکری کو پالنے کا حدیث شریف میں بھی حکم ہے اور اس سے نہ صرف لوگوں کو دودھ اور گوشت میسر آئیگا بلکہ روزگار کے مواقع بھی بڑھیں گے۔