Jul 07, 2019 09:15 pm
views : 256
Location : Governor House
Karachi- Traders Meeting with Governor Sindh,Strike Call Cancelled
کراچی،تاجروں کی گورنر سندھ سے ملاقات،ہڑتال کی کال واپس
گورنر سندھ عمران اسماعیل کی جانب سے تحفظات دور کرنے کی یقین دہانی کے بعد کراچی کے تاجروں نے ہڑتال کی کال واپس لے لی۔
تاجر ایکشن کمیٹی کے ارکان نے گورنر ہاؤس کراچی میں گورنر سندھ عمران اسماعیل سے ملاقات کرکے اپنے تحفظات اور مطالبات پیش کیے، گورنر اور تاجروں کے درمیان مذاکرات کامیاب رہے اور وفاقی حکومت کی جانب سے یقین دہانی کے بعد تاجروں نے ہڑتال کی کال واپس لے لی۔
عمران اسماعیل نے کہا کہ ایک ماہ تک تاجروں کے خلاف کوئی کارروائی نہیں کی جائے گی،تمام مسائل مل بیٹھ کر حل کریں گے،گورنر سندھ نے کہا کہ ہڑتال موخر کرنے پر تاجروں کا مشکور ہوں،انہوں نے کہا کہ کل میرے بیان سے کسی کی دل آزاری ہوئی تو اس پر معذرت چاہتا ہوں ۔
گورنر سندھ نے میڈیا سے گفتگو میں کہا کہ ایکشن کمیٹی نے ہمارے سامنے 11 نکاتی ایجنڈہ رکھا جس پر انہوں نے چیئرمین ایف بی آر شبر زیدی سے ٹیلی فون پر بات کی، چیئرمین ایف بی آر نے یقین دلایا کہ وہ تاجروں کے تحفظات دور کریں گے، ان کا کہنا تھا کہ حکومت کے معاشی مسائل ٹیکس دینے سے حل ہوتے ہیں، ٹیکس دیں گے تو ملک قرضوں سے نکلے گا۔
عمران اسماعیل نے کہا کہ مجھے یقین ہے لیک ہونے والی ویڈیو جعلی ہے، فرانزک آڈٹ میں جلد سچ سامنے آ جائے گا۔
اس موقع پرتاجر ایکشن کمیٹی کے ممبران نے کہا کہ وفاقی حکومت کی یقین دہانی پر وہ فی الفور ہڑتال کی کال واپس لے رہے ہیں تاہم مطالبات پور ے نہ ہوئے تو ہفتے سے ہڑتال کریں گے۔