Aug 09, 2022 03:15 pm
views : 263
Location : domestic place
Islamabad- Shahbaz Gill arrested for inciting public against state institutions, Islamabad Police
اسلام
آباد، تحریک انصاف کے رہنما شہباز گل اسلام آباد سے گرفتار، مراد سعید نے
تصدیق کردی، کہتے ہیں شہباز گل کی گاڑی پر حملہ کیا گیا، اسٹنٹ پر تشدد
کیا گیا
پی ٹی آئی کے رہنما شہباز گل کو وفاقی دارالحکومت اسلام آباد سے گرفتار کر لیا گیا۔
تحریک
انصاف کے رہنما اور سابق وفاقی وزیر مراد سعید نے ٹوئٹر بیان میں تصدیق کی
ہے کہ شہباز گل کو گرفتار کیا گیا ہے۔ انہوں نے کہا کہ حکومت بوکھلاہٹ کا
شکار ہے۔ انہوں نے مزید کہا کہ شہباز گل کی گاڑی پر حملہ کیا گیا، اس دوران
اسٹنٹ پر تشدد کیاگیا۔
مراد سعید نے ٹوئٹ میں لکھا کہ شہباز گل کو اغوا
کر لیا گیا ہے۔ کس کس کو گرفتار کروگے؟ کتنے صحافیوں پر پابندی لگاؤ گے؟
شہباز گل کی گاڑی کے شیشے بھی توڑ دیے گئے۔ انہوں نے کہا کہ کل رات ایک
خوفناک پلان تھا لیکن عمران خان کے جانثاروں نے واضح پیغام دیا ، عمران خان
ریڈ لائن ہے۔
دوسری جانب پی ٹی آئی رہنما اور سابق وفاقی وزیر اطلاعات
فواد چودھری نے ٹوئٹر بیان میں کہا ہے کہ شہباز گل کو بنی گالہ چوک سے بغیر
نمبر پلیٹ گاڑیوں میں آئے لوگوں نے اغوا کیا ہے۔