Sep 03, 2022 12:00 pm
views : 302
Location : Islamabad International Airport
Islamabad- French plane reached Pakistan's Capital with relief materials for Flood Victims
اسلام آباد، فرانسیسی طیارہ سیلاب متاثرین کیلئے امدادی سامان لے کر اسلام آباد پہنچ گیا، وزیر صحت کہتے ہیں مصیبت کی اس گھڑی میں پاکستانی حکومت فرانسیسی حکومت اور عوام کا دل کا شکریہ ادا کرتی ہے
وفاقی وزیر صحت عبدالقادر پٹیل نے فرانسیسی عملے کا اسلام آباد ایئرپورٹ پر خیرمقدم کیا اور امدادی سامان وصول کیا ۔
اس موقع پر عبدالقادر پٹیل کا کہنا تھا کہ پاکستان میں موجود فرانس کے سفیر اپنے کا ملک جا کر امدادی سامان کے ھمراہ پاکستان تشریف لائے۔یہ اس بات کی عکاس ھے اس مشکل گھڑی میں فرانس پاکستان کیساتھ کھڑا ہے۔فرانس سے آنے والے امدادی سامان سیلابی پانی نکالنے والے بڑ ے بڑے پمپ بھی شامل ہیں۔ فرانس کی جانب سے ڈاکٹرز اور ٹریننگ دینے والے ماہرین بھی ساتھ ہیں۔دونوں ممالک میں سفارتی سطح پر دیرینہ تعلقات ہیں۔
وزیر صحت کایہ بھی کہناتھا کہ پورا ملک سیلاب کی زد میں ھے بالخصوص سندھ اور بلوچستان میں بہت تباہی ہوئی ھے۔سیلاب کی وجہ سے سندھ اور بلوچستان میں صحت کا نظام شدید متاثر ہوا ھے۔وفاقی صوبائی حکومت کے ساتھ ملکر سیلاب متاثرین کی بحالی کیلئے دن رات مصروف ہے۔صحت کی طبی سہولیات کی فراہمی کیلئے تمام تر وسائل بروئے کار لارہے ہیں۔ وزارت صحت اور اس کے ادارے صحت کی سہولیات کی فراہمی کیلئے صوبوں کے ساتھ ملکر کام کررہے ہیں۔
انہوں نے مزید کہا کہ صحتِ کے نظام کی مکمل۔بحالی کیلئے مربوط حکمت عملی کے تحت اقدامات کو یقینی بنارہے ہیں۔ سیلاب متاثرین کی بحالی کیلئے حکومت چین سے نہیں بیٹھے گی۔سیلاب متاثرین کے زخموں پر مرہم رکھنے اور ان کے ساتھ شانہ بشانہ کھڑے ہونے کا وقت ہے۔مصیبت زدہ اور دکھی انسانیت کی خدمت ہمارا مذہبی اور اخلاقی فریضہ ہے۔ لوگوں کے دکھوں کا مداوا کرنے کیلئے ہم سب کو ملکر اگے آنا ہوگا۔