Oct 02, 2022 08:06 pm
views : 290
Location : Domestic Place
Islamabad- Cabinet okays legal action against Imran Khan over audio leaks
سائفر آڈیو لیکس؛ وفاقی کابینہ نے عمران خان اور ساتھیوں کے خلاف کارروائی کی منظوری دیدی
وفاقی
کابینہ نے سائفر کی آڈیو لیکس کے معاملے پر سابق وزیراعظم عمران خان، اسد
عمر، شاہ محمود قریشی اور سابق سیکریٹری ٹو پرائم منسٹر اعظم خان کے خلاف
قانونی کارروائی کی باضابطہ منظوری دے دی۔
میڈیا رپورٹ کے مطابق کابینہ
نے ‘ڈپلومیٹک سائفر’ سے متعلق آڈیو لیک پر ایف آئی اے کے ذریعے تحقیقات اور
قانونی کارروائی کی منظوری دی ہے۔ کابینہ نے 30 ستمبر کو عمران خان کی
سائفر سے متعلق آڈیو لیک پر کابینہ کمیٹی تشکیل دی تھی۔ کابینہ کمیٹی نے
یکم اکتوبر کو منعقدہ اجلاس میں قانونی کارروائی کی سفارش کی۔
کابینہ
کمیٹی کی سفارشات کو سمری کی شکل میں کابینہ کی منظوری کے لیے پیش کیا گیا
جس کے بعد وفاقی کابینہ نے ‘سرکولیشن’ کے ذریعے کابینہ کمیٹی کی سفارشات کی
منظوری دی۔
کابینہ کمیٹی نے اپنی سفارشات میں کہا ہے کہ یہ قومی سلامتی
کا معاملہ ہے جس کے قومی مفادات پر سنگین مضر اثرات ہیں، قانونی کارروائی
لازم ہے،ایف آئی اے سینئر حکام پر مشتمل کمیٹی تشکیل دے۔
سفارشات میں
کہا گیا ہے کہ ایف آئی اے انٹیلی جنس اداروں سے بھی افسران اور اہل کاروں
کو ٹیم میں شامل کر سکتی ہے، ایف آئی اے کی ٹیم جرم کرنے والوں کے خلاف
قانون کے مطابق کارروائی کرے۔
یاد رہے کہ ڈپلومیٹک سائفر سے متعلق عمران
خان کی پہلی آڈیو 28 ستمبر اور دوسری آڈیو 30 ستمبر کو منظر عام پر آئی۔
آڈیو لیکس میں عمران خان، اعظم خان، شاہ محمود قریشی اور اسد عمر سائفر
تبدیل کرنے کے بارے میں مشورہ کر رہے ہیں۔
وفاقی وزیر منصوبہ بندی احسن اقبال نے کہا ہے کہ عمران خان کو کسی جھوٹے مقدمے میں نہیں پکڑیں گے۔