Dec 23, 2022 12:25 pm
views : 306
Location : Different places
Karachi- Sindh to expel undocumented Karachi immigrants to arrest surge in crime
سندھ بھر میں غیر قانونی
مقیم تارکین وطن کو واپس بھیجنے کا فیصلہ ، اگلے 15 دن اسٹریٹ کرمنلز کے
خلاف سخت آپریشن کرنے کا فیصلہ ، وزیراعلیٰ سندھ نے انٹیلی جنس بیسڈ آپریشن
تیز کرنے کی ہدایت دی
وزیراعلیٰ سندھ مرادعلی شاہ نے سندھ بھر میں غیرقانونی طور آنے والے غیر ملکیوں کو واپس کرنےکا فیصلہ کیا ہے۔
وزیراعلیٰ
سندھ کی زیر صدارت امن و امان سے متعلق اہم اجلاس ہوا جس میں چیف سیکریٹری
سہیل راجپوت، ڈی جی رینجرز میجر جنرل اظہر، آئی جی پولیس غلام نبی میمن،
پرنسپل سیکریٹری فیاض جتوئی، ایڈیشنل آئی جی سی ٹی ڈی، ایڈیشنل آئی جی
اسپیشل برانچ اور دیگر اداروں کے افسران نے شرکت کی۔
وزیراعلیٰ سندھ نے
انٹیلی جنس بیسڈ آپریشن تیز کرنے کی ہدایت دی جبکہ سندھ پولیس اور دیگر
انٹیلی جنس اداروں میں کوآرڈینیشن بڑھانے کا مکینزم بنایا گیا ہے۔
وزیراعلیٰ نے کہا کہ تمام انٹیلی جنس کے اداررے روزانہ کی بنیاد پر ایک
دوسرے رابطے میں رہیں۔
وزیراعلیٰ سندھ مرادعلی شاہ نے سندھ بھر میں
غیرقانونی طورآنے والے غیرملکیوں کو واپس کرنے کا فیصلہ کرتے ہوئے سندھ کے
شہر کے داخلی اور خارجی راستوں پر نگرانی بڑھانے کی ہدایت جاری کی ہے۔
وزیراعلیٰ
نے اسٹریٹ کرائم پر بھی پولیس کو اہم ہدایات دیں۔ انہوں نے کہا کہ پولیس
اور رینجرز اسٹریٹ کرائم کے خلاف سخت کارروائی کریں۔ انہوں نے ڈی جی رینجرز
کو پیٹرولنگ بڑھانے کی بھی ہدایت دی جبکہ اسٹریٹ کرائم میں پراسیکیوشن کو
بھی مزید بہتر کرنے کا فیصلہ کیا۔
وزیراعلیٰ سندھ نے کہا کہ دہشت گرد
تنظیمیں ملک میں دوبارہ امن امان خراب کرنا چاہتی ہیں، جہاں کرمنلز زیادہ
متحرک ہیں وہاں پولیس اور رینجرز کی تعیناتی کی جائے، ہم اپنے ملک، صوبے
اور شہروں میں دہشت گردوں کو دوبارہ اٹھنےنہیں دینگے۔
وزیراعلیٰ سندھ نے
اگلے 15 دن اسٹریٹ کرمنلز کے خلاف سخت آپریشن کرنے کا فیصلہ کیا ہے جبکہ
روزانہ کی بنیاد پر ہونے والے دہشت گردوں اور اسٹریٹ کرمنلز کے خلاف آپریشن
کا ڈیٹا پولیس اور میڈیا سے شیئر کرنے کا فیصلہ کیا ہے۔