Jan 06, 2023 12:57 pm
views : 326
Location : Domestic place
Islamabad- Pakistani students expelled from Kabul seek admission to medical colleges
افغانستان میں طالبات کی
اعلیٰ تعلیم پر پابندی ، کئی پاکستانی طالبات کا مستقبل داؤ پر لگ گیا ،
افغانستان میں تعلیم حاصل کرنے والی طالبات کا اسلام آباد میں احتجاج ،
خواتین کے اعلیٰ تعلیم کے حصول پر عائد پابندی کو ہٹانے کا مطالبہ
افغانستان
طالبان کی جانب سے خواتین پر تعلیم حاصل کرنے پر عائد پابندی کی وجہ سے
کئی پاکستانی طالبات کا مستقبل بھی خطرے میں پڑ گیا۔
صوبےخیبرپختونخوا
سے تعلق رکھنے والی میڈیکل کی متعدد طالبات افغانستان میں زیرِ تعلیم تھیں
جو اب اپنے مستقبل کے بارے میں فکر مند ہیں ، طالبات نے مطالبہ کیا ہے کہ
اگر طالبان کی پابندی ختم نہیں ہوتی تو انہیں پاکستان کی سرکاری یونیورسٹیز
میں تعلیم مکمل کرنے کی سہولت مہیا کی جائے۔افغانستان کے میڈیکل کالجز میں
زیرِ تعلیم زیادہ تر پاکستانی طالبات کا تعلق پشاور، سوات، دیر، بونیر،
صوابی اور نوشہرہ سے ہے جن میں سے کئی طالبات تیسرے، چوتھے یا پانچویں
سمسٹر میں تھیں اور ان کے والدین ان کی تعلیم پر بھاری سرمایہ خرچ کر چکے
ہیں۔
طالبات نے اہلِ خانہ اور سماجی کارکنوں کے ہمراہ اسلام آباد میں
افغانستان کے سفارت خانے کے سامنے احتجاجی مظاہرہ کیا اور خواتین کے اعلیٰ
تعلیم کے حصول پر عائد پابندی کو ہٹانے کا بھی مطالبہ کیا۔
احتجاج میں
شریک طالبات اور ان کے والدین نے حکومتِ پاکستان سے مطالبہ کیا کہ اگر
افغان حکام خواتین کی تعلیم پر عائد پابندی ختم نہیں کرتے تو ان طالبات کو
پاکستان کے تعلیمی اداروں میں تعلیم جاری رکھنے کی سہولت فراہم کی جائے۔
مظاہرین
کا کہنا تھا کہ افغانستان میں خواتین کے لیے اعلٰی تعلیم پر پابندی کی وجہ
سے اب میں وہاں اپنی تعلیم جاری نہیں رکھ سکتی۔ پاکستان میں نجی میڈیکل
کالجز کے تعلیمی اخراجات بہت زیادہ ہیں، اس لیے میں نے افغانستان کے میڈیکل
کالج میں داخلہ لیا تھا۔