Feb 04, 2023 07:53 pm
views : 361
Location : Different Places
Peshawar- Militant who blew himself up in Swabi carried Rs2m head money
صوابی میں تباہی کا منصوبہ ناکام، پولیس مقابلے میں دو دہشت گرد ہلاک اور چار گرفتار
خیبرپختونخوا کے ضلع صوابی میں تباہی کا بڑامنصوبہ ناکام بنادیا گیا ، انتہائی مطلوب دو دہشتگرد ہلاک ، جبکہ 4 گرفتارکر لیے گئے ۔
صوابی
میں تباہی کا بڑا منصوبہ ناکام ہوگیا، پولیس مقابلے میں دو دہشت گرد ہلاک
اور چار گرفتار ہوگئے، ایک ہلاک دہشت گرد کے سر کی قیمت 20 لاکھ روپے مقرر
تھی۔
پولیس کے مطابق دہشتگردوں سے بھاری مقدار میں اسلحہ ایمونیشن
برآمدکر لیا گیا جن میں 5 کلو گرام بارود ،9 دستی بم ،18 الیکڑک ڈیونیٹر ،
کلاشنکوف اوردہشتگردی کی ورادتوں میں استعمال ہونے والے دیگر آلات شامل
ہیں۔
پولیس کے مطابق صوابی کے علاقے ہنڈ میں دہشت گردوں کی موجودگی کی
اطلاع پر آپریشن کیا گیا، دہشت گردوں کی پولیس پارٹی پر دستی بموں
اوراسلحہ سے فائرنگ کی گئی
ڈی پی او صوابی نجم کے مطابق صوابی ہنڈ میں
دہشت گردوں کی موجودگی کی اطلاع پر آپریشن ہوا جس میں دہشت گردوں نے پولیس
پارٹی پر دستی بموں اور اسلحہ سے فائرنگ کردی تاہم جوابی فائرنگ میں
انتہائی مطلوب دو دہشت گرد ہلاک ہوگئے اور چار کو گرفتار کرلیا گیا۔
ڈی
آئی جی محمد علی گنڈا پور نے بتایا کہ ہلاک دہشت گردوں میں کمانڈر اظہار
عرف شیراز عرف عبداللہ اور زینت ثاقب شامل ہیں۔ دہشت گردوں سے بھاری مقدار
میں اسلحہ اور ایمونیشن برآمد ہوا ہے ان میں 5 کلو گرام بارود، 9 دستی بم ،
18 الیکٹرک ڈیونیٹر شامل ہیں۔
ڈی آئی جی کے مطابق ان میں 2 کلاشنکوف
اور دہشت گردی کی وارداتوں میں استعمال ہونے والے دیگر آلات بھی شامل ہیں،
ہلاک دہشت گرد اظہار کے سر کی قمیت 20 لاکھ روپے مقرر تھی، دہشت گرد اظہار
دہشت گردی کے چھ سے زیادہ مقدمات میں مطلوب تھا۔