ٹرک اور وین میں تصادم، پکنک پرجانے والے نودوست ٹریفک حادثے میں جاں بحق،حادثے کا شکار ہونے والے افراد کا تعلق کراچی سے ہے
تفصیلات
کے مطابق ٹھٹھہ کے علاقے چلیا کے قریب قومی شاہراہ پر ٹرک اور وین میں
ہونے والے خوفناک تصادم میں 9افراد جاں بحق ہوگئے۔ حادثے کا شکار ہونے والے
افراد کا تعلق کراچی سے ہے۔واقعہ کے بعد ڈرائیور موقع سے فرار ہونے میں
کامیاب ہوگیا، اطلاع ملتے ہی پولیس اور امدادی ٹیمیں جائے وقوعہ پر پہنچ
گئیں ریسکیوذرائع کا کہنا ہے کہ 6افراد کی لاشیں ٹرک کے نیچے پھنس گئی
ہیں۔قذافی ٹاؤن کراچی کے رہائشی افراد پکنک منانے کیلئے ٹھٹھہ آئے تھے کہ
واپسی پر ان کے ساتھ حادثہ پیش آگیا، حادثے میں وین سوار تمام 9 افراد جاں
بحق ہوئے اورجبکہ گاڑی مکمل طور پر تباہ ہوگئی۔ریسکیو حکام نے مزید بتایا
کہ امدادی ٹیموں نے حادثے کے نتیجے میں جاں بحق ہونے والے افراد کی لاشیں
سول ہسپتال ٹھٹھہ منتقل کر دی ہیں۔تازہ ترین اطلاعات کے مطابق ٹھٹھ حادثے
میں جاں بحق9افراد کی میتیں شناخت کے بعد کراچی روانہ کردی گئیں، جاں بحق
افراد میں عبداللہ، تسبیح اللہ، محمد قیصر، نوراللہ، وہاب، عدنان و دیگر
شامل ہیں، ڈپٹی کمشنرغلام فاروق سومرو نےریسکیو ادارے کے ذریعے میتیں کراچی
روانہ کیں۔