Apr 26, 2023 06:09 pm
views : 402
Location : Different places
Islamabad - Pakistan's decision to participate virtually in the Shanghai Organization of Defense Ministers meeting in India
پاکستان کا بھارت میں
شنگھائی تنظیم وزرائے دفاع اجلاس میں ورچوئل شرکت کا فیصلہ،وزرائے دفاع کا
اجلاس 27 اور 28 اپریل کو بھارتی شہر نئی دہلی میں ہوگا،نمائندگی وزیردفاع
خواجہ آصف ورچؤلی کریں گے۔
ترجمان
دفترخارجہ ممتاز زہرہ بلوچ کا کہنا ہے کہ اجلاس میں پاکستان ویڈیو لنک کے
ذریعے شرکت کریگا۔ پاکستانی وفد کی نمائندگی وزیردفاع خواجہ آصف ورچؤلی
کریں گے۔واضح رہے کہ بھارت شنگھائی تعاون تنظیم کا موجودہ صدر ہونے کی
حیثیت سے اس سال علاقائی فورم کے کئی ایونٹس کی میزبانی کریگا، بھارت نے اس
سال مئی میں گوا میں ہونے والے شنگھائی تعاون تنظیم کے وزرائے خارجہ اجلاس
میں وزیر خارجہ بلاول بھٹو زرداری کو بھی مدعو کر رکھا ہے۔بھارت اس سال
شنگھائی تعاون تنظیم کے سربراہی اجلاس کی بھی میزبانی کرے گا۔ شنگھائی
ممالک کی اس تنظیم میں بھارت اور پاکستان کے علاوہ چین، قازقستان،
کرغزستان، روس، تاجکستان اور ازبکستان بھی شامل ہیں۔