May 15, 2023 08:30 pm
views : 507
Location : Lahore High Court
Lahore- LHC fixes Imran Khan’s plea for tomorrow; grants bail to Bushra Bibi
القادر ٹرسٹ کیس؛ بشریٰ بی
بی کی 23 مئی تک حفاظتی ضمانت منظور ، بشریٰ بی بی کی جانب سے دائر درخواست
میں وفاقی حکومت، نیب اور دیگرکو فریق بنایا گیا ہے ، عمران خان کا کہنا
ہے کہ سب سےبڑی اور واحد سیاسی جماعت پر پابندی عائد کرنے کا منصوبہ تیار
ہے
لاہور
ہائیکورٹ نے القادر ٹرسٹ کیس میں بشریٰ بی بی کی 23 مئی تک حفاظتی ضمانت
منظور کرلی ، بشریٰ بی بی نے عدالت کے روبرو پیش ہو کر حفاظتی ضمانت حاصل
کی۔
لاہور ہائی کورٹ میں دائر کی گئی درخواست میں وفاقی حکومت ، نیب
اور دیگر کو فریق بنایا گیا ہے۔ درخواست میں موقف اختیار کیا گیا کہ نیب
نے القادر ٹرسٹ کیس میں تحقیقات شروع کر رکھی ہے۔نیب کی جانب سے جاری
تحقیقات غیر قانونی ہیں اور نیب کی جانب سے گرفتاری کا خدشہ ہے۔
لاہور
ہائی کورٹ کے جسٹس شہباز رضوی کی سربراہی میں 2 رکنی بینچ نے القادر ٹرسٹ
کیس میں بشریٰ بی بی کی حفاظتی ضمانت کی درخواست پر سماعت کی۔ بشریٰ بی بی
عمران خان کے ساتھ عدالت میں پیش ہوئیں۔
درخواست میں عدالت سے استدعا
کی گئی تھی کہ اسلام آباد کی احتساب عدالت سے رجوع کرنا ہے اس لیے القادر
ٹرسٹ کیس میں حفاظتی ضمانت منظور کی جائے۔
دوسری جانب چیئرمین پاکستان
تحریک انصاف عمران خان کا کہنا ہے کہ پی ٹی آئی کے تقریباً 7 ہزار قائدین،
کارکن اور خواتین کو جیلوں میں ٹھونس دیا گیا، یہ یہ تحقیق تک نہیں کی گئی
کہ سرکاری عمارتوں کو نذرآتش کرنےمیں کون ملوث تھا۔
عمران خان نے اپنے بیان میں کہا کہ پاکستان کی سب سےبڑی اور واحد سیاسی جماعت پر پابندی عائد کرنے کا منصوبہ تیار ہے۔
واضح رہے کہ القادر ٹرسٹ کیس میں نیب ٹیم عمران خان کو 9 مئی کو گرفتار کر چکی ہے اور ابھی وہ دو ہفتوں کیلئے ضمانت پر ہیں۔