Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Jul 04, 2024 08:45 pm views : 467

Location : Domestic Place

Islamabad- Sher Afzal Marwat Lashes Out At Fawad Chaudhary

پی ٹی آئی کو اسلام آباد میں جلسے کی اجازت مل گئی ، شیر افضل مروت کا کہنا ہے کہ بانی پی ٹی آئی نے بتایا کہ رجیم چینج آپریشن میں فواد چوہدری کا کردار مشکوک تھا ، بانی پی ٹی آئی کے مطابق فواد چوہدری جنرل باجوہ کے ساتھ ملے ہوئے تھے

اسلام آباد ہائی کورٹ نے بانی پاکستان تحریک انصاف ( پی ٹی آئی) عمران خان کی درخواست پر محکمہ داخلہ پنجاب سمیت دیگر کو نوٹس جاری کردئیے۔
پاکستان تحریک انصاف کے رہنما شیر افضل مروت نے کہا ہے کہ بانی پی ٹی آئی نے مجھے خود بتایا کہ رجیم چینج آپریشن میں فواد چوہدری کا کردار مشکوک تھا ، بانی پی ٹی آئی کے مطابق فواد چوہدری جنرل باجوہ کے ساتھ ملے ہوئے تھے، فواد چوہدری پر فرمائشی کیس بنے، یہ بھی حقیقت ہے کہ وہ وی آئی پی جیلوں میں رہے اور ان کی سیٹنگ تھی۔
انہوں نے کہا کہ لگتا ہے پی ٹی آئی رہنماؤں کو نشانہ بنانے کا ٹاسک بیرونِ ملک کچھ صحافیوں کو بھی ملا ہے، فواد بن بلائے مہمان اور پرائی شادی میں عبداللہ دیوانے کی طرح ہمارے خلاف بول پڑے۔
شیر افضل مروت نے کہا ہے کہ بانی پی ٹی آئی نے بتایا فواد کہہ رہا ہے خان کے کہنے پر علیم یا ترین گروپ میں گیا جو جھوٹ ہے، فواد چوہدری، باجوہ صاحب کے ساتھ پیغام رسانی کا کام بھی کر رہے تھے، وہ پارٹی کے مفادات کے خلاف بھی کام بھی کر رہے تھے۔
شیر افضل مروت کا کہنا ہے کہ پارٹی، فواد چوہدری کے کردار کو شک کی نگاہ سے دیکھتی ہے، ان کے پاس ہم پر تنقید کرنے کی کوئی اخلاقی وجہ نہیں ہے، جب پارٹی کو حوصلے کی ضرورت تھی ان جیسے لوگ بھاگ گئے تھے ، ان کا کہنا ہے کہ پی ٹی آئی جہلم نے لکھ کر دیا ہے اگر فواد پارٹی میں آئے تو وہ پارٹی چھوڑ دیں گے، لاہور ہائیکورٹ کے سامنے میری گرفتاری ہوئی، بھاگ تو میں بھی سکتا تھا۔
انہوں نے مزید کہا کہ فواد پارٹی میں آتے ہیں تو پھر باقی لوگوں کا کیا قصور؟ انہیں بھی واپس لیں، بانی پی ٹی آئی نے مجھے بلایا ہے پاکستان جاتے ہی ان سے ملاقات کروں گا، ان سے 15 یا 16 تاریخ تک ملاقات ہو جائے گی۔
دوسری جانب  پاکستان تحریک انصاف (پی ٹی آئی) کو اسلام آباد میں جلسے کی اجازت مل گئی، جس کے بعد عدالت نے این او سی جاری ہونے پر درخواست نمٹا دی۔
پی ٹی آئی کو ترنول چوک کے پاس 6 جولائی کو جلسے کی اجازت دی گئی ہے۔  اسلام آباد ہائی کورٹ  نے این او سی جاری ہونے پر عامر مسعود مغل کی درخواست نمٹا دی۔