اسلام آباد ، ماحولیاتی تبدیلی پاکستان کی معیشت کے لیے شدید خطرہ ہے ،وفاقی وزیر اطلاعات پرویز رشید
وفاقی وزیر اطلاعات و نشریات سینیٹر پرویز رشید نے کہا ہے کہ ماحولیاتی
تبدیلی پاکستان کی معیشت کے لیے شدید خطرہ ہے۔ماحولیاتی تبدیلی کے اثرات کو
روکنے کے لیے اقدامات اٹھانا ضروری ہیں۔
اسلام آباد میں وفاقی وزیر اطلاعات و نشریات سینیٹر پرویز رشیدنے ماحولیات
سے متعلق کانفرنس سے خطاب میں کہا کہ گزشتہ کچھ دہایوں میں پاکستان میں
کافی موسمیاتی تبدیلیاں رونما ہوئیں، پاکستان میں گزشتہ برس میں ریکارڈ
منفی درجہ حرارت دیکھا گیا۔ پاکستان زرعی ملک ہے جس کو موسمیاتی تبدیلیوں
کے شعبے میں کام کرنا ہو گا۔ پاکستان کو گلوبل وارمنگ کو روکنے کے لیے
کردار ادا کرنا ہو گا، موجودہ حکومت ماحولیاتی تبدیلی کے منفی اثرات سے
بچنے کے لیے اقدامات اٹھا رہی ہے۔ وزیر اعظم نے پیرس میں اس عزم کا اظہار
کیا تھا کہ مائع گیسوں کو روکنے کے لیے اقدامات کریں گے۔ ہماری حکومت آزادی
اظہار رائے پر پورا یقین رکھتی ہے۔
وفاقی وزیر اطلاعات و نشریات سینیٹر پرویز رشید نے مزید کہا ہے کہ میڈیا کی
طاقت اور موثر پن پر یقین رکھتا ہوں۔میڈیا بھی اپنا کردار ادا کرتے ہوئے
موسمیاتی تبدیلیوں میں بہتری لانے کے لیے کام کرے اور عام آدمی کو آگاہ
کرے۔