Nov 19, 2016 09:33 pm
views : 969
Location : Lahore Chamber of Commerce and Industires
Lahore- Speaker National Assembly Ayaz Sadiq addresses to Seminar
لاہور، سی پیک کے بننے سے دشمن مزید بڑھ گئے ہیں، اسپیکر قومی اسمبلی ایاز صادق
پاکستان فیڈرل یونین آف جرنلسٹس( پی ایف یو جے) کے زیر اہتمام ’’ملکی دفاع
اور میڈیا کا کردار ‘‘کے موضوع پر سیمینار کا انعقاد کیا گیا۔ سیمینار میں
سیاسی ، سماجی، مذہبی جماعتوں کے رہنماؤں کے علاوہ صحافیوں اور وکلاء کی
بڑی تعداد نے شرکت کی۔
سیمینار سے خطاب کرتے ہوئے اسپیکر قومی اسمبلی ایاز صادق کا کہنا تھا کہ
ہمیں ایک ایجنڈے صرف پاکستان پر متحد ہوکر کام کرنے کی ضرورت ہے۔ ہمیں ایک
دوسرے کی مشکلات کو سمجھنا چاہیے۔ ہم سب سے پہلے پاکستانی ہیں اس کے بعد
ہمارا کسی سیاسی جماعت یا اپنے پیشے سے تعلق ہونا چاہیے۔ پاکستان کا وقار
ہے تو ہم ہیں اور اگر ہم پاکستان کا وقار نہیں بنائیں گے تو یہ افسوس کی
بات ہے۔
ایاز صادق کا مزید کہنا تھا کہ میں نے بے شمار جگہ کشمیر کا سوال اٹھایا
مگر کیا پاکستانی میڈیا نے اس کو اتنی کوریج نہیں دی جتنی دینی چاہیے تھی
یا پھر ان کیلئے وہ اہم تھی کہ یہاں کی خبریں باہر جائیں۔ میرے پاس بارہ سے
چودہ اسپیکر اپنے وفد لے کر آئے اور تین چار اسپیکر نے کہا کہ ہم پاکستان
نہیں آنا چاہتے تھے لیکن آپ ہمیں بار بار اصرار کرتے تھے کہ ہمارا ملک تو
آکر دیکھو آپ لوگوں کو غلط فہمی ہے لیکن وہ کہتے تھے کہ جی ہمارا قصور تو
نہیں ہے، آپ کا میڈیا جو دکھارہا ہے وہی ہمارا میڈیا بڑھا چڑھاکر پیش کررہا
ہے۔
ان کا کہنا تھا کہ سی پیک لوگوں کی آنکھوں میں چبھ رہا ہے۔ جتنے دشمن پہلے
تھے اب سی پیک کے بننے سے دشمن مزید بڑھ گئے ہیں۔ مجھے باہر کے دشمنوں سے
تو ڈر ہے ہی مگر اندر کے دشمنوں سے بھی ڈر لگا رہتا ہے۔