Nov 28, 2016 09:58 pm
views : 972
Location : Domestic Place
Peshawar- CM KPK Parvez Khattak Addresses
پشاور، صحت سہولت پروگرام کی تقریب میں بدنظمی ، وزیر اعلیٰ خیبرپختونخواہ برہم
پشاور خیبرپختونخوا حکومت کی جانب سے صحت سہولت پروگرام کا آغاز ، اٹھارہ
لاکھ خاندانوں کو صحت انصاف کارڈز فراہم کئے جائیں گے ، مہلک امراض کا مفت
علاج ہوسکے گا۔ وزیر اعلیٰ پرویز خٹک نے کارڈز تقسیم کرکے سکیم کاآغاز
کیا۔خیبرپختونخوا حکومت نے صوبے کی اکیاون فیصد آبادی کو صحت کی مفت
سہولیات دینے کیلئے سکیم کا آغاز کر دیا۔
وزیر اعلیٰ پرویز خٹک نے پشاور میں غریب اور مستحق افراد میں صحت انصاف کارڈز تقسیم کرکے سکیم کا آغاز کیا۔
اس موقع پر تقریب سے خطاب کرتے ہوئے وزیر اعلیٰ پرویز خٹک کا کہنا تھا کہ
عمران خان نے تبدیلی کا ایجنڈا دیا تھا جس پر گامزن ہیں ، تبدیلی چہرے
بدلنے اور سڑکیں پل بنانے سے نہیں آتی بلکہ نظام ٹھیک کرنے سے آتی ہے ،
ہماری حکومت سے پہلے یہ صوبہ برائے فروخت تھا لیکن اب کوئی کرپشن کا سوچ
بھی نہیں سکتا ، پولیس کا قبلہ درست کر دیا گیا ہے۔ نو سو ڈاکٹر تنخواہیں
تو لیتے تھے لیکن ڈیوٹی پر نہیں آتے تھے ان ڈاکٹروں کو فارغ کر دیا گیا ہے
اور 22 سو نئے ڈاکٹر بھرتی کئے گئے ہیں۔
ان کا کہنا تھا کہ اس سال کے آخر تک ڈاکٹروں کی کمی پوری کر دی جائے گی۔
صحت انصاف کارڈز 18لاکھ خاندانوں میں تقسیم کئے جائیں گے ، اس منصوبے پر
ساڑھے پانچ ارب روپے لاگت آئے گی ، ہیلتھ انشورنس کارڈ کے ذریعے ایک خاندان
کے آٹھ افراد سالانہ پانچ لاکھ چالیس ہزار روپے تک مفت علاج کراسکیں گے۔
کارڈز کی تقسیم کے دوران بدنظمی بھی دیکھنے میں آئی۔ نواجوان ڈائس پر چڑھ
گئے ، وزیر اعلیٰ نواجوانوں کو خاموش کراتے رہے۔