div>وفاقی وزیر ریلوے خواجہ سعد رفیق کا کہنا تھا کہ پاکستان کو بانیان پاکستان کے
تصورات کے مطابق آگے نہیں بڑھا سکے لیکن پھر بھی اسلامی ممالک میں ہمارا
پیارا وطن ایک مستحکم ملک نظرآتا ہے جب کہ ریاستی ادارے آئین پاکستان کے
دائرے میں رہ کرکام کررہے ہیں۔
مزار قائد پر حاضری دینے کے بعد میڈیا سے بات کرتے ہوئے وفاقی وزیر ریلوے خواجہ سعد رفیق کا کہنا تھا کہ پاکستان کے ریاستی ادارے آئین پاکستان کے دائرے
میں رہ کرکام کررہے ہیں، جمہوریت کی موجودہ شکل ہماری منزل نہیں بلکہ ہمیں
اس میں شفافیت لانی ہے۔ انہوں نے کہا کہ جمہوریت 4 بار ڈی ریل ہوئی لیکن اب
راستہ نکل آیا ہے اوراب سیاسی جماعتوں میں بلوغت آ رہی ہے۔
وفاقی وزیر ریلوے خواجہ سعد رفیق کا کہنا تھا کہ شہر پر
چھائے آسیب کے سائے چھٹ رہے ہیں،فورسز اور سول حکومت نے کراچی کے امن و
امان کے لئے بہت کام کیا اور کر بھی رہے ہیں، آنے والی نسل کو جلتا ہوا
نہیں بلکہ روشن ، خوشحال اور مستحکم پاکستان دیں گے۔
وفاقی وزیر ریلوے خواجہ سعد رفیق کا مزید کہنا تھا کہ
پاکستانی قوم ایک پرعزم قوم ہے اس نے اپنا راستہ خود بنایا ہے، عوام اپنی
امنگوں کے مطابق اپنے نمائمدوں کے فیصلے کرتے ہیں، وسائل نہ ہونے کے باوجود
پاکستان ایٹمی طاقت بنا، پاکستان کوبانیان پاکستان کے تصورات کے مطابق آگے
نہیں بڑھا سکے لیکن اس کے باوجود اگر اسلامی ممالک کی جانب دیکھیں تو
پاکستان ایک مستحتم ملک نظرآتا ہے۔