Feb 17, 2017 04:45 pm
views : 853
Location : CM Secretariat
Lahore- CM Punjab Shahbaz Sharif chairs meeting with Balochistan Delegation
لاہور ، وزیر اعلیٰ پنجاب محمد شہباز شریف سے اسپیکر بلوچستان اسمبلی راحیلہ حمید خان درانی کی ملاقات
لاہور میں وزیر اعلیٰ پنجاب محمد شہباز شریف سے چیف کمشنر پاکستان بوائز
سکاؤٹس ایسوسی ایشن و اسپیکر بلوچستان اسمبلی راحیلہ حمید خان درانی کی
قیادت میں سکاؤٹس کے وفد نے ملاقات کی۔
وزیر اعلیٰ پنجاب محمد شہباز شریف اورا سپیکر بلوچستان اسمبلی کی جانب سے
دہشت گردی کے حالیہ واقعات کی شدید مذمت بھی کی گئی۔دہشت گردی کے واقعات
میں جاں بحق ہونے والے افراد کے ایصال ثواب کیلئے فاتحہ خوانی کی گئی۔جاں
بحق افراد کے لواحقین کے ساتھ دلی ہمدردی اور تعزیت کا اظہار بھی کیا گیا۔
اس موقع پر وزیر اعلیٰ پنجاب محمد شہباز شریف کا کہنا تھا کہ پاکستان نازک
دور سے گزر رہا ہے۔ یہ وقت اتحاد ، اتفاق اور یکجہتی کا ہے۔ قوم کو مل کر
دہشت گردی کے ناسور کا خاتمہ کرنا ہے۔ پاکستان کی ترقی و استحکام کیلئے
تمام اکائیوں کو یکجا ہو کر آگے بڑھنا ہے۔ دشمن پاکستان کو عدم استحکام سے
دوچار کرنے کی سازش کر رہا ہے۔
وزیر اعلیٰ پنجاب محمد شہباز شریف کا مزیدکہنا تھا کہ اتحاد و اتفاق کی
قوت سے دشمن کے مذموم عزائم کو ناکام بنانا ہو گا۔ سکاؤٹنگ کے ادارے نے
ماضی میں انتہائی فعال انداز میں کام کیا۔اس ادارے کو دوبارہ بحال کرنے کی
ضرورت ہے۔ سکاؤٹنگ کو فروغ دے کر نوجوانوں کو مثبت سرگرمیوں کی جانب راغب
کیا جا سکتا ہے۔
چیف کمشنر پاکستان بوائز سکاؤٹس ایسوسی ایشن و اسپیکر بلوچستان اسمبلی
راحیلہ حمید خان درانی کا کہنا تھا کہ دہشت گردی کے حالیہ واقعات کی پرزور
مذمت کرتے ہیں۔وزیر اعلیٰ شہباز شریف نے بلوچستان کے طلباء4 و طالبات کا
پنجاب کے تعلیمی اداروں میں خصوصی کوٹہ مقرر کیا ہے۔بلوچستان کی تعمیر و
ترقی میں وزیر اعلی شہباز شریف کی خصوصی دلچسپی پر ان کے مشکور ہیں۔
چیف کمشنر پاکستان بوائز سکاؤٹس ایسوسی ایشن و اسپیکر بلوچستان اسمبلی
راحیلہ حمید خان درانی کا مزیدکہنا تھا کہ آپ نے ہمیشہ بلوچستان کے عوام کی
خدمت کیلئے بھرپور تعاون کیا ہے۔
وزیر اعلیٰ سے ملاقات کرنے والے وفد میں انٹرنیشنل کمشنر پاکستان بوائز
سکاؤٹس ایسوسی ایشن عبدالمنان ، نیشنل سیکرٹری پاکستان بوائز سکاؤٹس ایسوسی
ایشن زاہد محبوب، اورسیکرٹری پنجاب بوائز سکاؤٹس ایسوسی ایشن طارق قریشی
شامل تھے۔