Feb 19, 2017 04:19 pm
views : 881
Location : CM Secretariat
Lahore- CM Punjab Shahbaz Sharif cahirs Meeting about Development Funds
لاہور ، وزیراعلیٰ پنجاب محمد شہبازشریف کی زیرصدارت اعلیٰ سطح کا اجلاس
لاہو رمیں وزیراعلیٰ پنجاب محمد شہبازشریف کی زیرصدارت اعلیٰ سطح کا اجلاس
ہوا۔اجلاس میں صوبے کے عوام کی فلاح و بہبود کیلئے جاری ترقیاتی منصوبوں پر
پیش رفت کا جائزہ لیا گیا۔
اس موقع پر وزیراعلیٰ پنجاب محمد شہبازشریف کا کہنا تھا کہ مسلم لیگ (ن) کی
حکومت عوام کی فلاح و بہبود کو اپنا نصب العین سمجھتی ہے۔ تعلیم، صحت،
پینے کے صاف پانی کی فراہمی اور دیگر سماجی شعبوں کی ترقی ہماری ترجیحات
ہیں۔دیہی اور شہری علاقوں کی ترقی کیلئے متوازن حکمت عملی اپنائی گئی ہے۔
وزیراعلیٰ پنجاب محمد شہبازشریف کا کہنا تھا کہ ہمارا ہر قدم کم وسیلہ
طبقات کی فلاح و بہبود اور انہیں بنیادی سہولتوں کی فراہمی کیلئے اٹھ رہا
ہے۔صوبے کے عوام کی ترقی اور خوشحالی کے منصوبوں میں شفافیت اور اعلیٰ
معیار کو یقینی بنایا گیا ہے۔ جس تیزی سے منصوبے آگے بڑھائے جا رہے ہیں، اس
کی ماضی میں کوئی نظیر نہیں ملتی۔
وزیراعلیٰ پنجاب محمد شہبازشریف کا کہنا تھا کہ وسائل قوم کی امانت
ہیں۔وسائل کے درست اور بروقت استعمال سے ہی عوام ترقیاتی منصوبوں کے ثمرات
مستفید ہوسکتے ہیں۔
وزیراعلیٰ پنجاب محمد شہبازشریف نے 30 جون تک رواں مالی سال کیلئے مختص سکیموں کو مکمل کرنے کی بھی ہدایت کی۔
وزیراعلیٰ پنجاب محمد شہبازشریف کا کہنا تھا کہ جنوبی پنجاب کے عوام کی
فلاح و بہبود کے بڑے پروگرامز پر پیش رفت کی ذاتی طور پر نگرانی کر رہا
ہوں۔پنجاب حکومت نے جنوبی پنجاب کی ترقی اور خوشحالی کیلئے آبادی کے تناسب
سے زائد وسائل رکھے ہیں۔اربوں روپے کے میگا پراجیکٹس جنوبی پنجاب میں مکمل
کئے گئے ہیں۔
وزیراعلیٰ پنجاب محمد شہبازشریف کا کہنا تھا کہ ملتان میٹرو بس سروس نے
جنوبی پنجاب کے عوام کو اعلیٰ معیار کی بین الاقوامی سفری سہولتیں مہیا کی
ہیں۔جنوبی پنجاب میں ترقیاتی منصوبوں کیلئے اربوں روپے کے اضافی وسائل دیئے
جا رہے ہیں۔
اجلاس کے دوران و زیراعلیٰ پنجاب محمد شہبازشریف کو صوبے میں عوام کی ترقی
اور خوشحالی کیلئے جاری منصوبوں پر کام کی رفتار کے بارے میں بریفنگ بھی دی
گئی۔
صوبائی وزیر منصوبہ بندی و ترقیات ملک ندیم کامران، ایم این اے حمزہ شہباز،
سینیٹر سعود مجید، چیف سیکرٹری، چیئرمین منصوبہ بندی و ترقیات، سابق ایم
پی اے سمیع اللہ خان اور متعلقہ حکام نے اجلاس میں شرکت کی۔