May 03, 2017 04:39 pm
views : 756
Location : Interior Minister Office
Islamabad- Interior Minister Chaudhry Nisar Ali Khan meets Iranian Foreign Minister
اسلام آباد ، وزیر داخلہ چوہدری نثار علی خان سے ایران کے وزیر خارجہ جواد ظریف کی ملاقات
وزیر داخلہ چوہدری نثار علی خان سے ایران کے وزیر خارجہ جواد ظریف نے
ملاقات کی ۔ملاقات میں پاک ایران دو طرفہ تعلقات اورتعاون کے امور پرتبادلہ
خیال کیا گیا۔
پاکستان کے دورے پر آئے ایرانی وزیر خارجہ جواد ظریف نے اسلام آباد میں
وفاقی وزیر داخلہ چوہدری نثار سے ملاقات کی، اس اہم ملاقات میں پاک ایران
تعلقات پر تفصیلی تبادلہ خیال کیا گیا ۔
ملاقات میں ایرانی وزیر خارجہ سے گفتگو کرتے ہوئے چوہدری نثار نے کہا کہ
پاکستان اور ایران کے جغرافیائی، مذہبی اورتاریخی تعلقات ہیں اور اچھے
تعلقات کی راہ میں کسی چیز کو حائل نہیں ہونے دیا جائے گا ۔ایران ہمسایہ
اور دوست ہی نہیں ایک برادر اسلامی ملک ہے دونوں ممالک کے عوام کے دل ایک
ساتھ دھڑکتے ہیں۔
اس موقع پر ایرانی وزیر خارجہ نے کہا کہ ایران پاکستان کے ساتھ تعلقات کو
بہت اہمیت دیتا ہے اور مسلم ممالک کے اتحاد پر یقین رکھتا ہے۔ پاکستان اور
ایران کو ملکر امہ کے مسائل کے حل اور بین الاقوامی ایشوز پر اتفاق رائے سے
آگے بڑھنا ہے۔
واضح رہے کہ ایرانی وزیرخارجہ دوروزہ دورے پر آج اسلام آباد پہنچے اپنے
دورے کے دوران جواد ظریف وزیراعظم پاکستان ، صدر مملکت اور آرمی چیف سے
ملاقات کریں گے ۔