Mar 27, 2018 06:49 pm
views : 448
Location : President House
Islamabad- President Mamnoon Hussain meets Ambassador's
اسلام آباد: نا مزد سفرائے کرام کے اعزاز میں ا یوان صدر میں باوقار تقریب کا انعقا د
قزاقستان، لبنان، زمبیا، ایکوٹوریا جینیو اورمینگولیا کے نا مزد سفرائے
کرام نے صدر ممنون حسین کو ایوان صدر میں منعقدہ ایک باوقار تقریب کے دوران
اپنی سفارتی اسناد پیش کردیں۔
بعد میں ان سفیروں نے صدر مملکت سے علیحدہ علیحدہ ملاقات کی۔ اس موقع پر
گفتگو کرتے ہو ئے صدر مملکت نے کہا کہ پاکستان دنیا میں امن، استحکام اور
خوشحالی کے لئے تمام ممالک کے ساتھ دوستانہ اور برادرانہ تعلقات کو فروغ
دینے کا خواہاں ہے۔
ممنو ن حسین نے دو طرفہ تعلقات اور باہمی دلچسپی کے معاملات پر بھی تبادلہ خیال کیا۔
صدرمملکت ممنون حسین نے کہا کہ پاکستان کی معیشت بہتری کی جانب گامزن ہے
اور ملک سرمایہ کاری اور کاروبار کے عظیم مواقع پیش کرتا ہے۔ انہوں نے غیر
ملکی سفارت کاروں کو تجارتی سرگرمیوں کو مزید فروغ دینے اور پاکستان میں
مختلف شعبوں میں پیش کیے جانے وا لے سرمایہ کاری کے مواقع سے فائدہ اٹھانے
کے لئے کردار ادا کرنے کے لئے زور دیا۔ پاکستان دہشت گردی اور انتہا پسندی
کو ختم کرنے کے لئے پرعزم ہے اور دہشت گردی کے خلاف کارروائی آخری دہشت گرد
کے خاتمے تک جاری رہے گی۔
صدرمملکت ممنون حسین نے پاکستان کے لیے سفیر وں کو مبارک باد پیش کی اور
امید ظاہر کی کہ وہ پاکستان کے ساتھ اپنے ممالک کے موجودہ تعلقات کو مزید
مضبوط کرنے کے لئے کام کریں گے۔
صدر مملکت نے امید ظاہر کی کہ نئے سفارت کاروں کا پاکستا ن میں قیام آرام دہ اور خوشگوار ہو گا۔
سفارتی اسناد پیش کرنے والوں میں قزاقستان کے سفیر برلے بے صدیقوو، لبنان
کے غسان الخطاب، زیمبیا کی سفیرمس ونی نٹالا،کے جرمن ایکوا باگا اورمینگو
لیا کے جن کھویاگ دانباشامل تھے۔
اس سے قبل ایوان صدر پہنچنے پر پاکستان اور متعلقہ ممالک کے قومی ترانے بجائے گئے اور سفارت کاروں کو گارڈ آف آنر پیش کیا گیا۔