Mar 30, 2018 09:53 pm
views : 562
Location : Governor House
Karachi- Governor Sindh meets Pakistan International Film Festival Delegation
پاکستان انٹرنیشنل فلم فیسٹول شہر کے مثبت امیج کو اجاگر کرنے میں معاون ثابت ہوگاِ ،گورنر سندھ
گورنر سندھ محمد زبیر نے کہا ہے کہ پاکستان انٹرنیشنل فلم فیسٹول شہر کے
مثبت امیج کو مزید اجاگر کرنے میں انتہائی معاون ثابت ہوگا ، فیسٹول میں
دنیا بھرسے فلمی صنعت سے وابستہ افراد شرکت کرینگے اور اس سے شہر کی ساز
گار فضا پوری دنیا پر آشکار ہوجائے گی ، شہر کے باسیوں با الخصوص فلم سے
شغف رکھنے والے افراد کو اس فیسٹول کا بڑی شدت سے انتظار تھا ، شہری ہالی
وڈ ، لالی وڈ ، بالی وڈ سمیت دیگر ممالک کی فلمی صنعت سے وابستہ افراد کو
اپنے شہر میں دیکھ سکیں گے۔
گورنر سندھ محمد زبیر نے گورنر ہاؤ س میں پاکستان انٹر نیشنل فلم فیسٹول کے
منتظمین کودیئے گئے ظہرانہ سے خطاب کرتے ہوئے کہا کہ قومی معیشت میں ریڑھ
کی ہڈی کی حیثیت رکھنے والے کراچی کے مثبت امیج کو اجاگر کرنے کے لئے شہر
میں جاری عالمی سطح کے پروگرامز، سیمینار ، نمائشیں اور کانفرنسز کے ساتھ
ساتھ پاکستان انٹر نیشنل فلم فیسٹول اہم ثابت ہوگا ، فیسٹول میں امریکہ
،اٹلی ، جرمنی ،بھارت سمیت دیگر ممالک کی فلمی صنعت سے وابستہ افراد ، ہالی
وڈ ، لالی وڈ اور بالی وڈ کے ستاروں کی جھرمٹ سے شہر پوری دنیا میں ابھر
کر سامنے آئے گا۔
محمد زبیر نے کہا کہ فنکار بہت حساس ہوتا ہے اور فن کی کوئی سرحد نہیں ہوتی
، تھکے ہارے ، مایوس ، بوجھل اور پریشانیوں میں گھرے انسانوں کو خوشی دینے
والے یہ فنکار اپنی فنکارانہ صلاحیتوں سے معاشرتی رویہ ، نا انصافیوں ، نا
ہمواریوں ، خرابیوں اور برائیوں کو اتنی خوبصورتی سے اجاگر کرتے ہیں کہ
بعض اوقا ت یہ گمان ہونے لگتا ہے کہ شاید یہ زندگی کا کوئی حقیقی واقعہ جس
کا تعلق اس فنکار سے ہی ہے اسکرین پر چل رہا ہے۔
ظہرانہ میں پاکستان انٹر نیشنل فلم فیسٹول کی سربراہ سلطانہ صدیقی ،اسٹیٹ
بنک کے سابق گورنر عشرت حسین ، جاوید جبار،وشال بھردواج اینڈ ریکھا بھرد
واج ، بھارگوی دلیپ کمار ، ہرش نارائن ، وینے پاٹھک ، راج مولی اینڈ مسز
راج مولی ، نندیتا داس ، انجم راجابلی، سوبھاش کپور،مسٹر اینڈ مسز شوبو،
بھرم آنند سنگھ، سبرینہ کیولفی، مارتھا مشعل، مسٹر انیر بن دھار، راج یش
چیتوال، جمیل بیگ ، مصباح خالد ، بدر اکرام ، رافع راشدی ، درید قریشی ،
ابرار الحسن ،طالب حیدر، لکشمی اور دیگر معروف شخصیات نے بھی شرکت کی۔