May 04, 2018 07:38 pm
views : 467
Location : Naval Headquarters
Islamabad- Chief of the Turkish General Staff called on Chief of the Naval Staff Admiral Zafar Mehmood Abbasi
اسلام آ باد،چیف آف ترکش جنرل اسٹاف کی نیول ہیڈ کوارٹرزاسلام آباد میں پاک بحریہ کے سربراہ سے ملاقات
چیف آف ترکش جنرل اسٹاف، جنرل ہولوسی اَکارنے نیول ہیڈ کوارٹرز اسلام آباد
میں پاک بحریہ کے سربراہ ایڈمرل ظفر محمود عباسی سے ملاقات کی۔
ترجمان پاک بحریہ کے مطابق نیول ہیڈ کوارٹرز آمد پر پاک بحریہ کے سربراہ
ایڈمرل ظفر محمود عباسی نے چیف آف ترکش جنرل اسٹاف کا استقبال کیا۔ پاک
بحریہ کے چاق و چوبند دستے نے چیف آف ترکش جنرل اسٹاف، جنرل ہولوسی اَکار
کو سلامی پیش کی۔
بعد ازاں ، چیف آف ترکش جنرل اسٹاف نے پاک بحریہ کے سربراہ سے ملاقات کی
۔ملاقات کے دوران پیشہ ورانہ اُموراورمختلف شعبوں میں دو طرفہ بحری اشتراک
پرتبادلہ خیال کیا گیا۔جنرل ہولوسی اَکارنے خطے میں میری ٹائم امن و
استحکام کو یقینی بنانے کے سلسلے میں پاک بحریہ کی خدمات کو سراہا۔
چیف آف ترکش جنرل اسٹاف کا یہ دورہ دونوں ممالک بالخصوص دونوں ممالک کی
بحری افواج کے مابین دفاعی تعاون و اشتراک میں مزید وسعت و استحکام کا باعث
ہو گا۔