May 10, 2018 10:57 pm
views : 449
Location : Foreing Office
Islmabad- Weekly Foreing Office Briefing
اسلام آباد،دنیا کو اب مسئلہ کشمیر پر خاموشی توڑنی چاہیے،ترجمان دفتر خارجہ
ترجمان دفتر خارجہ ڈاکٹر فیصل نے کہا ہے کہ دنیا کواب کشمیرپراپنی خاموشی
توڑنا ہو گی،کشمیری نوجوانوں پربھارتی فورسزجان بوجھ کرتشدد کررہی
ہیں،متاثرہ خاندانوں سے ہمدردی کا اظہارکرتے ہیں،بھارتی ریاستی دہشتگردی
کشمیریوں کےحوصلےنہیں توڑ سکی،خطے میں امن کے لیے مسئلہ کشمیر کا حل ضروری
ہے،،بھارت جھوٹے پروپیگنڈے سے دنیا کوگمراہ نہیں کرسکتا۔
ہفتہ وار میڈیا بریفنگ سے خطاب کرتے ہوئے ڈاکٹر فیصل کاکہنا تھاکہ بھارت
مقبوضہ کشمیر میں انسانی حقوق کی خلاف ورزیاں کررہا ہے، کشمیری نوجوانوں
کوبھارتی فورسزجان بوجھ کرتشدد کا نشانہ بنا رہی ہیں،متاثرہ خاندانوں
سےتعزیت اور ہمدردی کا اظہار کرتے ہیں۔ بے گناہ شہریوں کونشانہ بنانے کا
کوئی جواز نہیں، مقبوضہ میں سماجی رابطے کی ویب سائٹ اور انٹرنیٹ پربھی
پابندی عائد کردی گئی ہے۔
ترجمان دفتر خارجہ کا کہنا تھا کہ انڈیا کشمیری عوام کے جذبہ آزادی کودبایا
نہیں جاسکتا،بھارت جھوٹے پروپیگنڈے سے دنیا کوگمراہ نہیں کرسکتا،حکومت
پاکستان اورعوام اس بربریت اورظلم کی مذمت کرتے ہیں،دنیا کواب کشمیرکے
حوالے سے اپنی خاموشی توڑنا ہو گی، بھارتی ریاستی دہشتگردی نہتے کشمیریوں
کے حوصلےتوڑنہیں سکتی،پاکستان نے مطالبہ کیا کہ عالمی برادری مسئلہ کشمیر
کے حل کیلئے اپنا کردار ادا کرے،پاکستان کشمیری عوام کی بھرپور حمایت کرتا
ہے۔
ترجمان نے خوست میں مسجد پرحملےکی مذمت بھی کی ہے، انہوں نے کہا کہ
دہشتگردی کےمتاثرین سے یکجہتی کااظہارکرتے ہیں،دہشتگردی کی کسی بھی شکل میں
مذمت کرتےہیں۔
ڈاکٹر فیصل نے مزید کہا کہ خطے میں امن کے لیے مسئلہ کشمیر کا حل ضروری
ہے،کشمیری عوام کے جذبہ آزادی کو دبایا نہیں جا سکتا،مقبوضہ کشمیرمیں بھارت
کے ریاستی تشدد سے گزشتہ ہفتے20 شہری شہید ہوئے،پاکستان نے دنیا سے مطالبہ
کیا کہ اقوام متحدہ کی قراردادوں پر عمل کرایا جائے۔