کراچی،پاکستان کسٹم کی کارروائی،ای کامرس فراڈ کرنےوالے گرفتار
پاکستان کسٹم پریونٹو کے امیجیٹ کلیرنس گروپ ایر فریٹ یونٹ پر تعینات عملے
نے بیرون ملک سے برآمد لاکھوں روپے مالیت کی اشیاء کو مس ڈکلیرشن کے ذریعہ
کلیئر کرنیکی کوشش ناکام بنادی جبکہ تین افراد کو حراست میں لے لیا ہے۔
ڈپٹی کلکٹر کراچی ثناء اللہ ابڑونے کسٹم ہاؤس میں پریس کانفرنس سے خطاب
کرتے ہوئے کہاکہ یہ پاکستان کی تاریخ کا ای کامرس فراڈ کا پہلا کیس ہے، یہ
اپنے خریداروں کو بیرون ملک خریداری کی سہولت فراہم کرتی تھی،مس ڈکلیریشن
کی کاسمیٹکس فوڈآئیٹمز اور دیگر آئیٹمز جن پر ڈیوٹی لگتی ہے انہیں کاغذ
ظاہر کر کے لایا جا رہا تھا۔
ثناء اللہ ابڑوکا کہنا تھا کہ دو سے تین ماہ میں 27 کنسائنمنٹس کلیر کرائی
گئی ہیں،قومی خزانے کو پانچ کروڑ روپے سے زائد کا نقصان پہنچایا
ہے،کاروائی 19 مئی کو کراچی ایئرپورٹ پر کی گئی،کمپنی کے مالک سمیت تین لوگ
گرفتار کر لیے،ڈپٹی کلکٹر کراچی نے کہا کہ ڈارلنگٹن پوسٹل کمپنی کا یہ
سامان امارات ایئرلائن کی پرواز کے زریعے امریکہ سے کراچی پہنچا تھا۔