کراچی ، نگران وزیر اعلیٰ سندھ فضل الرحمان کی زیر صدارت آب پاشی کے مسائل پر اجلاس
کراچی میں نگران وزیر اعلیٰ سندھ فضل الرحمان کی زیر صدارت آب پاشی کے مسائل پر اجلاس ہوا ۔
ترجمان وزیر اعلیٰ ہاؤس کے مطابق اجلاس میں چیف سیکریٹری، سیکریٹری آب
پاشی، سیکریٹری چیف منسٹر اوردیگر نے شرکت کی، اجلاس میں سندھ میں پانی کی
قلت کے مسئلے پر غور کیا گیا۔
نگران وزیر اعلیٰ سندھ فضل الرحمان کی زیرصدارت آب پاشی کے مسائل پر اجلاس
میں سیکریٹری آب پاشی نے کہا ہے کہ سندھ میں صرف 35 فی صد پانی دستیاب ہے۔
اجلاس سے خطاب کرتے ہوئے نگراں وزیر اعلیٰ سندھ فضل الرحمان نے کہا کہ
کراچی میں پانی کی قلت کے مسئلے کو حل کیا جائے اور بدین اور ٹیل کیعلاقوں
میں پانی پہنچانے کی کوشش کی جائے۔
سیکریٹری آب پاشی نے اجلاس میں بتایا کہ سندھ میں صرف 35 فی صد پانی دستیاب
ہے، سندھ کو 36 ہزار 450 کیوسک پانی مل رہا ہے، تاہم 15 جون تک پانی کی
صورت حال بہتر ہوجائے گی۔
چیف سیکریٹری سندھ رضوان میمن کا کہنا تھا کہ کراچی میں پانی کے مسئلے کو
میں خود مانیٹر کر رہا ہوں، جہاں پانی کی قلت ہے وہاں ٹینکرز سے پانی
پہنچایا جا رہا ہے۔
واضح رہے کہ کراچی میں گرمیوں کا موسم شروع ہوتے ہی بجلی بحران کے ساتھ
ساتھ پانی کا بھی شدید بحران شروع ہوگیا ہے، پانی کی قلت کے دعوے کیے جارہے
ہیں لیکن شہر میں ٹینکر مافیا بھی عروج پر ہے اور واٹر بورڈ کا عملہ بھی
پانی بلیک میں فروخت کر رہا ہے۔