کراچی،عید الفطر کے موقع پر پکنک مناتے ہوئے 2 افراد سمندر میں ڈوب گئے
سینڈزپٹ پر پکنک منانے کے دوران سمندر میں نہاتے ہوئے 2 نوجوان لڑکے ڈوب گئے۔
واقعے کے مطابق ہاکس بے کے تفریحی مقام سینڈزپٹ ہٹ پکنک منانے کے لیے آنے
والے افراد پر اس وقت قیامت ٹوٹ پڑی جب سمندر میں نہاتے ہوئے 2 لڑکے کو بے
رحم موجیں بہا کر لے گئیں۔
اس موقع پر ساحل پر موجود افراد کی چیخ و پکار سن کر وہاں پر موجود پاک
بحریہ کے لائف گارڈز موقع پر پہنچ گئے اور ڈوبنے والے 2 افراد کو کافی تلاش
کیا تاہم ان کا کچھ پتہ نہ چل سکا۔ ریسکیو حکام کے مطابق ڈوبنے والے افراد
کی تلاش جاری ہے۔
پولیس کے مطابق ڈوبنے والے دونوں دوست نارتھ ناظم آباد کے رہائشی ہیں، جو
اپنے دیگر 5 ساتھیوں کے ہمراہ صبح پکنک منانے کے لیے ہاکس بے گئے تھے۔
دوستوں کے مطابق ڈوبنے والوں میں 22 سال کا اسامہ اور 19 سال کا فراز شامل
ہے۔