لاہور ، شہباز شریف نے الیکشن 2018 میں دھاندلی کا الزام لگادیا
پاکستان مسلم لیگ(ن)کے صدر اور سابق وزیراعلیٰ پنجاب شہباز شریف نے الیکشن 2018 میں دھاندلی کا الزام لگادیا۔
لاہور میں پریس کانفرنس کرتے ہوئے شہباز شریف نے کہاکہ ہم نے پاکستان کا
مفاد سامنے رکھتے ہوئے تحمل سے کام لیا۔ پولنگ کے بعد کی صورت حال اپنے
سیاسی کریئر میں نہیں دیکھی، ووٹرز کی توہین ناقابل برداشت ہے۔ آج جو کیا
گیا وہ 30 سالوں میں کبھی نہیں ہوا، لاہور سے میرا، ایاز صادق کا ووٹ روک
لیا گیا۔
شہباز شریف نے کہا کہ ڈی جی خان میں ہمارے پولنگ ایجنٹس کو نکال دیا گیا،
کئی جگہوں سے شکایات آئیں کہ فارم 45 نہیں دیاجارہا۔ الیکشن کمیشن سے پولنگ
کا وقت ایک گھنٹہ بڑھانے کی درخواست کی تاہم وہ بھی قبول نہیں کی گئی۔
صدر پاکستان مسلم لیگ (ن) شہبا ز شر یف نے کہا کہ تھوڑی دیر پہلے تک لاہور
کے کسی حلقے کا سرکاری اعلان نہیں کیا گیا، خیال تھا الیکشن میں ووٹرز کو
آزادانہ اظہار رائے کاموقع دیاجائیگا۔