لاہور،واسا کی نا اہلی نے شہریوں کی زندگی اجیرن کردی ہے
واٹر اینڈ سینی ٹیشن ایجنسی (واسا) لاہور کی نا اہلی نے شہریوں کی زندگی اجیرن بنادی ہے۔ لاہور
کے علاقے سلطان پورہ کے مکین سیوریج اور صاف پانی کا نظام نہ ہونے کی وجہ
سے ذہنی اذیت میں مبتلا ہیں جبکہ بارہا شکایات درج کروانے کے باوجود
انتظامیہ حرکت میں نہ آئی اور شہریوں کو شدید مشکلات کا سامنا کرنا پڑ رہا
ہے۔ جابجا کھڑے گندے پانی نے شہریوں کا گزرنا محال کیا ہوا ہے تو دوسری
جانب صاف پانی کی لائن میں بھی سیوریج کا پانی آنے لگا جس سے شہریوں کے
معاملات زندگی بری طرح متاثر ہو رہے ہیں،شہریوں نے حکام بالا سے مسائل حل
کرنے کا مطالبہ کیا ہے۔ ذرائع ابلاغ عامہ کے نمائندے سے گفتگو کرتے ہوئے
ایک نوجوان حمزہ کا کہنا تھا کہ ہمارے گھروں میں بھی پانی نہیں آرہا جبکہ
سڑکوں پر گندا پانی کھڑا رہتا ہے۔ علاقہ مکین شبیر کا کہنا تھا کہ پانی کی لائن کیلئے غیر معیاری پائپ ڈالے گئے جو آئے روز ٹوٹ پھوٹ کا شکار رہتے ہیں۔