Oct 11, 2018 03:04 pm
views : 439
Location : Domestic Place
Lahore- Aleem khan meets world bank delegation
لاہور:اراکین اسمبلی کے بجائے بلدیاتی نمائندوں کو ترقیاتی فنڈز دیں گے: علیم خان
ورلڈ
بینک کے 3 رکنی وفد نے سینئر وزیر پنجاب علیم خان سے ملاقات کی۔ملاقات کے
دوران ڈائریکٹر ورلڈ بینک نے لوکل گورنمنٹ اور دیگر شعبوں میں تعاون پر
بریفنگ دی۔علیم خان کا کہنا تھا کہ ہاؤسنگ سیکٹر میں مضبوط منصوبہ بندی سے
معیشت مضبوط ہوگی، گزشتہ حکومت کے اکثر منصوبے معیشت پر بوجھ ہیں، پنجاب
میں سرمایہ کاروں کے لیے آسانیاں پیدا کریں گے۔
انہوں
نے کہا کہ منصوبوں کے لیے چیک اینڈ بیلنس کے ساتھ مانیٹرنگ سسٹم ضروری ہے،
وزیر اعظم پر دوسرے ملکوں کے اعتماد میں اضافہ ہو رہا ہے، اراکین اسمبلی
کے بجائے بلدیاتی نمائندوں کو ترقیاتی فنڈز دیں گے۔علیم خان کا کہنا تھا کہ
پنجاب کا نیا بلدیاتی نظام ترقی کے بہتر نتائج دے گا، سالانہ ترقیاتی
پروگرام کا 30 فیصد حصہ بلدیاتی نمائندے استعمال کریں گے۔ عالمی بینک کے
نمائندوں کی پنجاب کے بلدیاتی نظام میں دلچسپی ہے۔
ورلڈ
بینک کے وفد کی جانب سے کہا گیا کہ پنجاب کے مختلف شعبوں میں مثبت کردار
ادا کریں گے۔ سینئر وزیر اور عالمی بینک کے وفد نے آئندہ ہفتے دوبارہ
اجلاس کرنے کا فیصلہ کیا ہے