Oct 14, 2018 04:27 pm
views : 504
Location : Different Place
Lahore-Current difficult time is temporary,CM Punjab
لاہور: ہم بولتےکم اور کام زیادہ کرتے ہیں: وزیراعلیٰ پنجاب عثمان بزدار
اپنے ایک بیان میں وزیراعلیٰ پنجاب نے کہا کہ ہم بولتےکم اورکام زیادہ کرتے
ہیں، وزیراعظم عمران خان قوم سے کیے وعدے پورے کریں گے، موجودہ مشکل وقت
عارضی ہے، قوم کی حمایت سے چیلنجز پر قابو پائیں گے۔
انہوں نے کہا کہ سابق ادوار میں غلط پالیسیاں بناکر معیشت کا بیڑا غرق کیا
گیا، ملک و قوم کے ساتھ گھناؤنا کھیل کھیلاگیا، مصنوعی اعدادو شمار کے
ذریعے عوام سے حقائق چھپائے گئے، آج خراب صورتحال کی ذمہ دار سابق حکومت
ہے۔
عثمان بزدار کا کہنا تھاکہ حکومت معیشت کو درست سمت پر لانے کے لیے ملکی
مفاد میں ہر فیصلہ کررہی ہے، ہمارے دور میں کرپشن اور کرپٹ عناصر کی کوئی
گنجائش نہیں، کرپشن نے ملک کی جڑوں کو کھوکھلا کیا ہے، کرپٹ لوگوں سے کرپشن
کا پیسہ واپس لیں گے۔