اسلام آباد، وزیر اعظم عمران خان کی زیر صدارت ملک کے ماہرین معاشیات کا غیرمعمولی اجلاس
وزیر اعظم عمران خان کی زیر صدارت ملک کے ماہرین معاشیات کا غیرمعمولی اجلاس منعقد ہوا۔
اجلاس
میں ملکی معیشت کی صورتحال، درپیش چیلنجز اور مسائل پر مشاورت کی گئی اور
معیشت کی بہتری، کاروباری افراد کا اعتماد بحال کرنے کے لئے مختلف اقدامات
پرغور کیا گیا۔
وزیراعظم نے اس موقع پر ماہرین کا شکریہ ادا کرتے ہوئے کہا کہ ملکی معاشی صورتحال کے پیش نظر مشکل فیصلے لینے جا رہے ہیں۔
وزیراعظم
کا کہنا تھا کہ ہرممکن کوشش ہوگی کہ غریب عوام پران فیصلوں کا اثرکم سے کم
ہو، بزنس کمیونٹی کی تجاویزملکی انڈسٹری کےفروغ میں مدد دیں گی۔
اس
موقع پرماہرین معاشیات نے وزیراعظم کے 50 لاکھ گھروں کے منصوبے کو سراہا.
ماہرین کا کہنا تھا کہ منصوبے سے روزگار میں غیرمعمولی اضافہ ہوگا اور
معیشت کو استحکام ملے گا، ماہرین معاشیات نے مقامی انڈسٹری کے فروغ کے لئے
تجاویز دیں۔
ارکان کی رائے تھی کہ حکومت معیشت کی بہتری کے لئے اپنےایجنڈے پرعمل درآمد کرے، تاجر برادری حکومت کو مکمل تعاون فراہم کرے گی۔
اس
موقع پر زراعت، تجارت اور مقامی انڈسٹری کے فروغ کے لئے لائحہ عمل
پرمشاورت کی گئی، ملکی معیشت کی مضبوطی کےلئےلانگ ٹرم،شارٹ ٹرم منصوبہ بندی
پر اتفاق کیا گیا۔
اعلیٰ سطح اجلاس میں وزیرخزانہ اسد عمر، مشیر رزاق داؤد اور ملک کے ماہرین معاشیات نے شرکت کی۔