Oct 30, 2018 08:55 pm
views : 366
Location : National Press Club
Islamabad- Family in dispute with Azam Swati demands his resignation
اسلام آباد، اعظم سواتی استعفیٰ دیں، ورنہ دھرنا دیں گے، گرفتار افراد کے اہلخانہ
اعظم سواتی کے بیٹے کی درخواست پر گرفتار افراد کے بھائی عبداللہ نے پریس
کانفرنس کرتے ہوئے کہا کہ میرے بھائی نے جو کچھ کیا اپنی عزت بچانے کے لیے
کیا، وفاقی وزیر اعظم سواتی سب کچھ کرنے کے بعد اب بہانے ڈھونڈ رہے ہیں
ان کا کہنا تھا کہ ہمارے علاقے کا رواج ہے کہ مرد لڑتے ہیں لیکن خواتین پر
ہاتھ نہیں اٹھاتے، میرے بھائی کے بچوں کو دھمکیاں دی جا رہی ہیں، میرے
بھائی کے پاس کھانے کے پیسے نہیں تو گولی کہاں سے لے گا؟
انہوں نے الزام عائد کیا کہ اعظم سواتی میرے بھائی کے گھر پر قبضہ کرنا
چاہتے ہیں، وفاقی وزیر کے بیٹے عثمان سواتی نے کہا کہ تم مجھ سے ٹکر نہیں
لے سکتے۔
ملزم کے بھائی عبداللہ نے وزیراعظم عمران خان سے مطالبہ کہ وہ وفاقی وزیر
اعظم سواتی کی رکنیت فوری معطل کریں نہیں تو ہم ان کے گھر کے باہر دھرنا
دیں گے، ہم اعظم سواتی کے استعفیٰ کے لیے 3 دن کا وقت دے رہے ہیں۔