Nov 07, 2018 09:34 pm
views : 536
Location : Parliament House
Islamabad- Parliamentrians wishes Diwali
اسلام آباد، اراکین قومی اسمبلی کی ہندو برادری کو دیوالی کی مبارکباد
ہندوؤں کے مذہبی تہوار دیوالی کے موقع پر اراکین پارلیمنٹ نے پاکستان بھر میں بسنے والے تمام ہندو برادری کو مبارکباد پیش کی ہے۔
اراکین پارلیمنٹ کی جانب سے ہندو برادری کیلئے ہولی کے تہوار پر نیک تمناؤں کا اظہار کیا گیا ہے۔
اس حوالے سے ایک خاتون رکن قومی اسمبلی کا کہنا تھا کہ میں سب سے پہلے
پاکستان بھر میں بسنے والے اور پاکستان سے باہر رہنے والی تمام ہندو برادری
کو دیوالی کے موقع پر مبارکباد پیش کرتی ہوں۔ ہندو برادری بھی اپنے آپ کو
اتنا ہی پاکستانی سمجھتی ہے جتنا ہم سمجھتے ہیں ۔ یہ سرزمین بھی ان کی ہے۔
پاکستان میں ہم مل جل کر اقلیتوں کے تہوار کے ساتھ خوشیاں مناتے ہیں۔
پاکستان تحریک انصاف سے تعلق رکھنے والے اقلیتی رکن قومی اسمبلی رمیش کمہار
واکوانی کا کہنا تھا کہ میں پاکستان اور پاکستان سے باہر رہنے والی ہندو
برادری کو دیوالی کی بدھائی پیش کرتا ہوں، دیوالی کو دیپوالی بھی کہتے ہیں،
دیپ کے معنی چراغ اور اولی کے معنی قطار کے ہیں۔ یعنی چراغوں کی قطار،
اندھیروں کے اوپر روشنی، بدی کے اوپر نیکی اس کو دیوالی کہتے ہیں، دیوالی
ہو، عید ہو، ایسٹر ہو یا اس طرح کے بڑے تہوار ان کی بہت بڑی اہمیت ہوتی ہے۔
ان خوشی کے مواقعوں پر ہمیں ملکی سلامتی اور خوشحالی کیلئے دعائیں کرنی
چاہئیں۔
ان کا کہنا تھا کہ پاکستان میں دیوالی اور ہولی پر چھٹی نہیں ہوتی لیکن یہ
بات بھی کسی خوشی سے کم نہیں ہے کہ تمام پارلیمنٹرینز آج مل کر میرے گھر
میں دیوالی کی خوشیاں منانے آرہے ہیں۔ یہ ایک اچھی روایت ہے۔