پاکستان اور ویسٹ انڈیز کی ویمن کرکٹ ٹیموں کے درمیان 3 میچوں پر مشتمل ٹی
ٹوئنٹی سیریز کیلئے ٹرافی کی تقریب رونمائی ہوئی جبکہ قومی ٹیم کے کپتان
بسمہ معروف اور ویسٹ انڈین کپتان میریسا ایگیولیرا نے ٹرافی کیساتھ فوٹو
سیشن کرایا۔
دونوں ٹیموں کے کپتانوں نے ٹرافی کے ہمراہ ساحل سمندر کی سیر بھی کی اور اونٹ کی سواری سے لطف اندوز بھی ہوئے۔
ویسٹ انڈین کپتان میریسا کا کہنا ہے کہ ہماری تیاری
بھرپور ہے، پاکستان کےساتھ سیریز دلچسپ ہوگی، پاکستانیوں کی مہمان نوازی
شاندار ہے، دوسری ٹیموں کو بھی پاکستان میں کرکٹ بحالی کے متعلق سوچنا
ہوگا، پاکستان میں سکیورٹی انتظامات شاندار ہیں، ہمیں یہاں
سکیورٹی کا کوئی مسئلہ نہیں ہے۔
قومی ٹیم کی کپتان بسمعہ معروف کا کہنا ہے کہ ہماری عالمی کپ ٹی ٹوئنٹی پر نظر
ہے، ٹیم کی فزیکل فٹنس بہتر ہورہی ہے، بولنگ کی خامیوں کو دور کیا ہے، کسی
دباو کا شکار نہیں ، مقابلوں سے لطف اندوز ہونا چاہتے ہیں، اچھی ٹیم کے
ساتھ میدان میں اُتریں گے، ہوم گراؤنڈ میں کھیلنے کیلیے بہت خوش ہیں، کپتان
کی حثیت سے بہت ذیادہ پرجوش ہوں۔
تقریب رونمائی سے قبل کھلاڑیوں نے پریکٹس بھی کی۔
واضح رہے ٹی20 سیریز کا پہلا میچ کل ساوتھ اینڈ میں کھیلا جائیگا، دوسرا میچ یکم فروری اور تیسرا میچ تین فروری کو شیڈول ہے۔