Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Nov 03, 2019 01:09 pm views : 299

Location : Different Places

Karachi- Cyclone Maha intensifies but still 'no threat to Pakistan,Pak-Navy provides medical aid to cyclone affected victims

سمندری طوفان ماہا شدت اختیار کرگیا،بحریہ کی سندھ کے ساحلی علاقوں میں راشن کی تقسیم

پاک بحریہ کی جانب سے سمندری طوفان سے متاثرہ سندھ کے ساحلی علاقوں میں راشن اور دیگر ضروریاتِ زندگی کی امداد تقسیم کی گئی۔
ترجمان پاک بحریہ کے مطابق امدادی ٹیموں کے ہمراہ موجود میڈیکل اسٹاف نے متاثرین کو بنیادی طبی امداد بھی فراہم کی۔
واضح رہے کہ حالیہ سمندری طوفان کے باعث پانی کی سطح بلند ہونے سے سندھ کے ساحلی علاقوں میں سینکڑوں خاندان متاثر ہوئے تھے جن کی پاک بحریہ امداد کر رہی ہے۔
 بحیرہ عرب کے مشرقی وسط میں موجود کیٹگری ون کا سمندری طوفان  ماہا  شدت اختیار کر  رہا ہے جس کا کیٹگری 3 کے طوفان میں تبدیل ہونے کا خدشہ ہے۔
محکمہ موسمیات کے مطابق سمندری طوفان ماہا گزشتہ 12گھنٹے سے شمال مغرب کی جانب بڑھ رہا ہے جو شدید طوفان کی صورت اختیار کرکےکل تک شمال مغرب کی جانب بڑھ جائے گا۔
محکمہ موسمیات کے حکام نے بتایا کہ سمندری طوفان ماہا میں 120 سے 140کلومیٹر فی گھنٹہ کی رفتار سے ہوائیں چل رہی ہیں جو مزید شدت اختیار کرکے شدید ترین سمندری طوفان میں بدل جائیں گی اور بعد میں یہ طوفان شمال مشرق میں بھارتی گجرات کی جانب رُخ کرے گا۔
کیٹگری ون کے سمندری طوفان ماہا کی شدت اختیار کرنے  پر محکمہ موسمیات کے حکام نے خدشہ ظاہر کیا کہ یہ 24 سے 36گھنٹے میں کیٹگری 3 کےطوفان میں تبدیل ہو سکتا ہے۔
محکمہ موسمیات کے  حکام نے بتایا کہ ماہا طوفان اس وقت کراچی سے 795 کلو میڑ دور جنوب میں موجود ہے۔
یاد رہے کہ ماہا سے قبل طاقتور ترین سمندری طوفان  کیار  پاکستان سے ٹکرائے بغیر عمان طرف رُخ کر گیا تھا لیکن طوفان نے 700 کلو میٹر کے فاصلے سے ہی سندھ اور بلوچستان کے سمندر میں طغیانی پیدا کر دی تھی جس سے ساحلی بستیاں زیر آب آگئی تھیں۔