غزہ، اسرائیلی فوج کی بمباری سے اہم فلسطینی کمانڈر جاں بحق
http://www.tnnasia.tv
غزہ کی پٹی پر اسرائیلی فوج کی بمباری میں اہم فلسطینی کمانڈر جاں بحق ہوگیا۔
عرب خبر رساں ادارے کے مطابق اسرائیلی طیاروں نے غزہ میں فلسطینی کمانڈر کے گھر پر بمباری کی جس کے نتیجے میں کمانڈر باہا ابو العطا جاں بحق ہوگئے۔
فلطسینی کمانڈر کی تنظیم نے باہا ابوالعطا کے جاں بحق ہونے اور ان کے گھر پر اسرائیلی طیاروں کی بمباری کی تصدیق کرتے ہوئے بتایا کہ غزہ کی ایک عمارت میں علی الصبح دھماکے کے نتیجے میں ابوالعطا کی اہلیہ بھی جاں بحق ہوگئیں جب کہ دھماکے سے 2 افراد زخمی بھی ہوئے۔
عرب میڈیا کے مطابق تنظیم کاکہنا ہےکہ اسرائیل نے شام کے دارالحکومت دمشق میں بھی اس کے ایک سیاسی رہنما کے گھر کو نشانہ بنایا۔
دوسری جانب اسرائیلی فوج نے بھی فلسطینی کمانڈر کے گھر پر حملے کی تصدیق کرتے ہوئے کہا کہ وزیراعظم نیتن یاہو نے ابو العطا کے خلاف آپریشن کی منظوری دی تھی۔