Feb 01, 2020 04:05 pm
views : 240
Location : Domestic Place
Karachi- Sindh IG working on someone's backing, Saeed Ghani
کراچی، ایم کیو ایم کو نالائق حکومت کا ساتھ چھوڑ کر ہمارا ساتھ دینا چاہیے، سعید غنی
کراچی میں ذرائع ابلاغ عامہ کے نمائندوں سے بات کرتے ہوئے سعید غنی کا کہنا تھا کہ سینیٹ اور قومی اسمبلی نے بی آئی ایس پروگرام منظور کیا تھا، بی آئی ایس پی کے فارمز مخالف جماعتوں کو بھی دیئے گئے تھے، بی آئی ایس پی کا نام بدلنے کے لیے قانون بدلنا ہوگا، لوگوں کے دلوں میں بے نظیر بھٹو کا نام ہے، مسلم لیگ (ن) نے بھی بی آئی ایس پی کا نام تبدیل کرنے کی کوشش کی تھی لیکن ناکام رہی۔
صوبائی وزیر کا کہنا تھا کہ وزیراعلیٰ سندھ صوبے میں جاری ترقیاتی کاموں کے سلسلے میں اسلام آباد میں ملاقاتیں کررہے ہیں، ان کی جہانگیرترین سے ملاقات کا علم نہیں، صوبہ سندھ کے ساتھ سوتیلی ماں کا سلوک کیا جا رہا ہے،عملی طور پر پولیس کا سربراہ حکومت کے کہنے پرکام نہیں کررہا، گورنر صاحب صرف موجیں کرنے کے لیے ہیں، وہ تو گورنر ہاؤس میں لگے چپراسی کا بوریا بستر گول نہیں کر سکتے۔
سعید غنی کا کہنا تھا کہ پی ٹی آئی کی وجہ سے آج عوام مصیبت میں ہیں، کوئی طبقہ سکون سے اپنی زندگی نہیں گزار رہا، جو سکون چاہتے ہیں۔ انہیں پی ٹی آئی کا ساتھ چھوڑنا ہوگا،ایم کیو ایم کو اس نالائق حکومت کا ساتھ چھوڑ کر ہمارا ساتھ دینا چاہیے۔