پاکستان اور ملائشیا کے مابین قیدیوں کے تبادلے کا معاہدہ طے پا گیا
ایک انٹرویو میں وزیر خارجہ شاہ محمود کا کہنا تھا کہ پاکستان اور ملائشیا تجارت، سرمایہ کاری، انجنیئرنگ، دفاع سمیت دیگر شعبوں میں تعاون بڑھائیں گے۔دونوں ممالک کے مابین قیدیوں کے تبادلے، پاکستانی لیبر فورس کی سوشل سکیورٹی کے معاہدوں پر دستخط ہوئے ہیں۔
انہوں نے بتایا کہ سال 2018-19 کے دوران ملائشیا سے آنیوالے زرمبادلہ میں 35 فیصد اضافہ ہوا، 1.55 ارب ڈالر پاکستان بھجوائے گئے۔ وزیراعظم عمران خان کو کوالالمپور کانفرنس میں شرکت نہ کرنے پر افسوس ہے، پاکستان کے ایک دوست ملک کو مسلم امہ کی تقسیم کا تاثر دیا گیا تھا جو حقائق کے خلاف تھا۔