Mar 05, 2020 11:51 pm
views : 306
Location : Different Places
Karachi- Sindh reports third case of coronavirus, Pakistan's tally rises to 6
کراچی،پاکستان میں کورونا وائرس کا چھٹا کیس سامنے آگیا
پاکستان میں کورونا وائرس کا چھٹا کیس سامنے آگیا اور یہ نیا کیس صوبہ سندھ میں سامنے آیا ہے۔
وزیراعظم عمران خان کے معاون خصوصی برائے صحت ڈاکٹر ظفر مرزا نے اس بات کی تصدیق کی ہے کہ کورونا وائرس کے چھٹے مریض کا تعلق سندھ ہے اور مریض کی حالت مستحکم ہے۔
محکمہ صحت سندھ نے بھی صوبے میں کورونا وائرس کے نئے کیس کی تصدیق کردی ہے اور کہا ہے کہ کراچی میں 69 سالہ شخص میں کورونا وائرس کی تصدیق ہوئی ہے۔
محکمہ صحت کا کہنا ہے کہ متاثرہ شخص 25 فروری کو ایران کا سفر کرکے وطن واپس آیا تھا اور اسے محکمہ صحت مسلسل مانیٹر کررہا تھا۔
متاثرہ شخص میں وائرس کے اثرات نمودار ہونے پر اس کا نمونہ لیا گیا جس میں وائرس کی تشخیص ہوگئی جس کے بعد صوبہ سندھ میں کورونا سے متاثرہ افراد کی تعداد 3 ہوگئی ہے۔