Mar 25, 2020 04:08 pm
views : 237
Location : Domestic Place
Karachi- Another 10 patients of COVIDー19 in Sindh have recovered and their tests have come negative, Murtaza Wahab
کراچی، سندھ میں کرونا وائرس سے متاثرہ "10 مریض صحت یاب "ہوگئے،مرتضیٰ وہاب
ترجمان سندھ حکومت مرتضیٰ وہاب نے سماجی رابطے کی ویب سائٹ ٹویٹر پر اپنے پیغام میں کہا کہ سندھ میں کرونا وائرس سے "متاثرہ 10مریض صحت یاب "ہوگئے۔
ترجمان سندھ حکومت کا کہنا تھا کہ الحمد اللہ سندھ میں کرونا وائرس سے صحت یاب ہونے والے افراد کی تعداد "14 ہوگئی "ہے۔
دوسری جانب محکمہ سندھ کے مطابق کراچی میں کروناوائرس کے "10 نئے کیس رپورٹ "ہوئے ہیں جس کے بعد کراچی میں کرونا وائرس کے کیسز کی تعداد "144 اور سندھ بھر 410 "ہوگئی۔
وزیر صحت سندھ ڈاکٹرعذرا پیچوہو کا کہنا ہے کہ عوام کے تعاون سے2 دن میں متاثرہ افراد میں "کمی "دیکھنے میں آئی ہے، عوام ہر حال میں گھروں تک محدود رہیں،حکومت کا "ساتھ "دیں۔ انہوں نے بتایا کہ سکھر قرنطینہ میں "3149 زائرین "کے نتائج منفی جبکہ "265 کے مثبت "آئے ہیں۔
اس سے قبل وزیراعلیٰ سندھ مراد علی شاہ نے آئی جی سندھ پولیس مشتاق مہر کو ہدایت کی تھی کہ "لاک ڈاؤن "میں باہر نکلنے والوں سے "سختی "سے نمٹا جائے۔
واضح رہے کہ پاکستان میں کرونا وائرس سے 7 افراد جاں بحق ہوگئے جبکہ وائرس سے متاثرہ مریضوں کی تعداد 916 ہوگئی ہے اور 18 مریض صحت یاب ہو چکے ہیں۔