Apr 19, 2020 12:00 am
views : 255
Location : Railway Station
Rawalpindi- Coronavirus is controlled in Pakistan says Sheikh Rasheed
راولپنڈی،کوشش ہے کراچی اور لاہور میں لوگوں کو ان کے ٹکٹس گھروں تک پہنچائیں، شیخ رشید
وفاقی وزیر ریلوے شیخ رشید کا کہنا ہے کہ کوشش ہے کراچی اور لاہور میں لوگوں کو ان کے ٹکٹس گھروں تک پہنچائیں، آن لائن 60 فیصد اور باقی 40 فیصد ٹکٹس گھروں تک پہنچائیں گے۔
تفصیلات کے مطابق وفاقی وزیر ریلوے شیخ رشید کا کہنا ہے کہ این ڈی ایم اے کو ضرورت پڑی تو ٹرینیں بارڈرز پر بھیجنے کو تیار ہیں، محمد افضل کا شکر گزار ہوں کہ انہوں نے 10 ہزار ماسک دیے۔
شیخ رشید کا کہنا تھا کہ ریلوے کے قلیوں کے لیے آرمی چیف نے 3 ہزار راشن بیگ بھیجے ہیں، ہر قلی کو 12 ہزار روپے ملیں گے، یہ میرا وعدہ ہے۔ جون سے پہلے تمام پی ایل اے ملازمین کو کنفرم کردیں گے۔
انہوں نے کہا کہ بھارت میں لوگ اپنے گھروں کو جاتے ہوئے مر گئے، ہم نے لاک ڈاؤن کے شروع میں ہی ٹرین چلا کر لوگوں کو گھروں تک پہنچایا۔ کوشش ہے کراچی اور لاہور میں لوگوں کو ان کے ٹکٹس گھروں تک پہنچائیں، آن لائن 60 فیصد اور باقی 40 فیصد ٹکٹس گھروں تک پہنچائیں گے۔
وفاقی وزیر کا کہنا تھا کہ پاکستان میں کرونا وائرس کنٹرول میں ہے، امریکا، اسپین، فرانس اور بیلجیئم کی طرح لوگ سڑکوں پر نہیں مر رہے۔ کل اجازت دی گئی ہے نمازی فاصلہ رکھ کر نماز پڑھ سکتے ہیں۔
انہوں نے کہا کہ ریلوے ملازمین نے 5 کروڑ ایک لاکھ 85 ہزار ریلیف فنڈ میں دیا ہے، اللہ پر یقین ہے انشا اللہ پاکستان میں کرونا جلد ختم ہوجائے گا۔