May 28, 2020 03:34 pm
views : 225
Location : Domestic Place
Karachi- Cockpit voice recorder of PIA's crashed plane recovered
کراچی، تحقیقاتی اداروں کی بڑی کامیابی، پی آئی اے کے طیارے کا کاک پٹ وائس ریکارڈر مل گیا
فرانس سے آئی ایئربس کمپنی کے ماہرین کی جانب سے پی آئی طیارہ حادثے کی تحقیقات جاری ہیں، تیسرے روز بھی گیارہ رکنی ٹیم جائےحادثہ پرپہنچی ، ماہرین جدید تیکنیکی آلات کی مدد سے فرانسک طریقے سے تحقیقات کر رہے ہیں۔
ماہرین نےکاک پٹ وائس ریکارڈرکی تلاش کیلئے تحقیقات کا دائرہ مزید وسیع کرتےہوئے ملحقہ عمارتوں کےعلاوہ گلیوں اوررہائشی آبادی میں تکنیکی آلات کی مدد لی، جس میں تحقیقاتی اداروں کو بڑی کامیابی ملی اور وائس ریکارڈر جہازکے ملبے کے نیچےسے مل گیا۔
ترجمان پی آئی اے کے مطابق کاک پٹ وائس ریکارڈر سے تحقیقاتی عمل میں بہت مدد ملے گی، جہازکایہ اہم آلہ ایئرکرافٹ ایکسیڈینٹ انویسٹی گیشن بورڈکےحوالےکردیاگیاہے، پی آئی اے کی ٹیمیں اہم پرزے کی تلاش میں سرگرم تھیں۔
بلیک باکس کےاہم حصوں فلائٹ ڈیٹا ریکارڈر اور وائس ریکارڈر کو ڈی کوڈ کرنے کیلئے فرانس بھیجا جائےگا۔