Jun 28, 2020 08:17 pm
views : 235
Location : Domestic place
Budget brought entire nation on same page against PTI govt, says Bilawal
اسلام آباد،متحدہ اپوزیشن نے وفاقی حکومت کا مالی سال 21-2020 کا بجٹ مسترد کردیا
قومی اسمبلی میں اپوزیشن نے پاکستان تحریک انصاف کی حکومت کی جانب سے مالی سال 21-2020 بجٹ مسترد کردیا۔
اپوزیشن
رہنماؤں کے ہمراہ پریس کانفرنس کرتے ہوئے چیئرمین پاکستان پیپلز پارٹی (پی
پی پی) بلاول بھٹو زرداری نے کہا کہ پورا پاکستان بجٹ کے خلاف متحد ہوچکا
ہے۔
بلاول بھٹو زرداری کا یہ بھی کہنا تھا کہ پٹرولیم قیمتیں بڑھا کر عوام پر ظلم کیا گیا۔
پاکستان مسلم لیگ (ن) کے رہنما اور اپوزیشن لیڈر خواجہ آصف نے کہا کہ کورونا وبا معیشت کی بحالی کے دروازے بھی بند کر چکی ہے۔
انہوں نے کہا کہ حکومت کے انجام کا وقت آن پہنچا ہے، مشیرِ خزانہ کے بیان کے دو دن بعد عوام پر پیٹرول بم گرایا گیا۔
خواجہ آصف کا کہنا تھا کہ اپوزیشن جلد اس معاملے میں اپنا لائحہ عمل طے کرے گی۔
جماعت اسلامی کے رہنما میاں اسلم کا کہنا تھا کہ حکومت نے پٹرولیم قیمتیں بڑھا کر عوام کی جیبوں پر ڈاکا ڈالا ہے۔
ان کا یہ بھی کہنا تھا کہ بجٹ محض الفاظ کا گورکھ دھندا ہے۔