Sep 19, 2021 05:32 pm
views : 236
Location : Different Places
Islamabad- Naval Chief attends 24th int'l Sea Power Symposium USA
پاک بحریہ کے سربراہ ایڈمرل محمد امجد خان نیازی امریکا کے دورے پر
پاک بحریہ کے سربراہ ایڈمرل محمد امجد خان نیازی امریکا کے دورے پر پہنچے ہیں جہاں انہوں نے 24 ویں انٹرنیشنل سی پاور سمپوزیم میں شرکت کی ہے۔
پاک بحریہ کے ترجمان کے مطابق سمپوزیم میں نیول چیف ایڈمرل محمد امجد خان نیازی کے علاوہ 80 سے زائد ممالک کے وفود و بحری افواج، کوسٹ گارڈ کے سربراہان شریک ہیں۔
سمپوزیم میں مشترکہ میری ٹائم چیلنجز اور میری ٹائم سیکیورٹی میں تعاون بڑھانے پر تبادلۂ خیال کیا گیا۔
نیول چیف نے امریکی سیکریٹری آف نیوی اور دیگر اعلیٰ حکام سے اہم ملاقاتیں بھی کی ہیں، انہوں نے ارجنٹینا، فرانس، جرمنی، جاپان، سری لنکا اور ترک بحری افواج کے سربراہان سے بھی ملاقات کی۔
ان ملاقاتوں کے دوران باہمی دلچسپی کے امور اور دو طرفہ بحری تعاون پر تبادلۂ خیال بھی کیا گیا۔
نیول چیف ایڈمرل محمد امجد خان نیازی نے یوایس سر فیس وار فیئر اسکول کا دورہ بھی کیا۔
ترجمان نے یہ بھی بتایا ہے کہ نیول چیف کو میری ٹائم ڈومین میں ابھرتے ہوئے خطرات سے نمٹنے کے لیے امریکی بحری افواج کے کردار پر بریفنگ بھی دی گئی۔