بلوچستان کا سیاسی بھونچال: گورنر ظہور آغا کے وفاقی دارالحکومت میں ڈیرے
تفصیلات کے مطابق وزیر اعلیٰ بلوچستان جام کمال کے خلاف اسمبلی کے 14 اراکین نے سیکرٹریٹ میں تحریک عدم اعتماد جمع کرا دی۔
ناراض اراکین نے میڈیا سے گفتگو میں بتایا کہ تحریک عدم اعتماد پر
اسمبلی کے چودہ اراکین نے دستخط کیے ہیں، ناراض اراکین کا کہنا ہے جام کمال
کو عزت سے مستعفی ہونے کی پیش کش کی مگر وہ مقابلے پر اتر آئے، ان سے کہا
گیا کہ اپنے اقتدار کے لیے بی اے پی کو خراب نہ
کریں۔
تحریک عدم اعتماد پر جن اراکین نے دستخط کیے ہیں ان میں میر محمد
جمالی، عبدالرحمان کھیتران، عبدالقدوس بزنجو، اسداللہ بلوچ، نصیب اللہ مری،
ظہور بلیدی، سکندر عمرانی، لیلیٰ ترین، اکبر آسکانی، محمدخان لہڑی، ماہ
جبین شیران، بشر ارند، صالح بھوتانی، اور مستورہ
بی بی شامل ہیں۔
الیکشن کمیشن نے بلوچستان میں بلدیاتی انتخابات کے کیس کا حکم نامہ
جاری کرتے ہوئے بلوچستان حکومت کی بلدیاتی قانون میں ترمیم کے لیے مہلت
دینے کی استدعا منظور کر لی۔
الیکشن کمیشن نے بلوچستان حکومت کو تین ہفتے میں ترامیم یقینی بنانے
کی ہدایت کی ہے، حکم نامے کے مطابق بروقت ترمیم کر کے نوٹیفکیشن جاری نہ
کیا گیا تو مقدمہ دوبارہ سماعت کے لیے مقرر ہوگا۔
اگر عدالتی حکم پر عمل درآمد نہ ہوا تو آئندہ سماعت پر چیف سیکریٹری بلوچستان ذاتی حیثیت میں پیش ہوں گے۔
بلوچستان کی سیاست میں نیا موڑ، وزیراعلی کے خلاف جمع کرائی جانے والی
تحریک عدم اعتماد پر وزیراعظم سے مشاورت کے لئے گورنر بلوچستان ظہور آغا
اچانک اسلام آباد پہنچ گئے۔
گورنر بلوچستان سید ظہور آغا کی اعلی شخصیات سے ملاقاتیں متوقع ہیں۔
گورنر وزیراعظم سے بھی ملیں گے۔ ان ملاقاتوں میں وزیراعلی بلوچستان کے خلاف
جمع کرائی جانے والی تحریک عدم اعتماد کے حوالے سے مشاورت کی جائے گی۔
ادھر بلوچستان کے ناراض ارکان نے جام کمال کے خلاف تحریک عدم اعتماد
جمع کرا دی۔ 14 ارکان کے دستخط ہیں۔ نمبر گیم کے مطابق 65 رکنی ایوان میں
ناراض اور اپوزیشن ارکان کی تعداد 39 ہوگئی۔ وزیراعلیٰ کو 26 ارکان کی
حمایت حاصل ہے۔