پی ڈی ایم بیرونی ایجنڈے پر کام کررہی ہے:شاہ محمود قریشی کا کہنا تھا کہ پی ڈی ایم کی جماعتیں فیڈریشن کی مخالف ہیں۔
وزیر
خارجہ شاہ محمود قریشی کا بیان میں کہنا تھا کہ پی ڈی ایم کی جماعتیں
فیڈریشن کی مخالف ہیں، یہ احتجاج اور مارچ کا شوق بھی پورا کرلیں، ماضی کی
تحریکوں کی طرح اس دفعہ بھی پی ڈی ایم کو مایوسی ہوگی،حکومت اپنی آئینی مدت
پوری کرے گی اور اسمبلی سے باہر بیٹھنے والے وقت کا انتظار کریں۔شاہ محمود
قریشی نے کہا کہ پی ڈی ایم بیرونی ایجنڈے پر کام کررہی ہے ،تحریک انصاف
واحد سیاسی جماعت ہے جو فیڈریشن کی حامی اور قومی سیاسی جماعت ہے، 2023ء کے
انتخابات میں بھی تحریک انصاف اقتدار میں آئیگی جبکہ تحریک انصاف کو کمزور
ملکی معیشت ورثے میں ملی۔انہوں نے کہا کہ اقتدار ملا تو خزانہ خالی اور
ملک قرضوں میں ڈوبا ہوا تھا، ہماری پہلی ترجیح عوام کو عالمی سطح پر
مہنگائی کے رجحان کے اثرات سے بچانا ہے جبکہ وزیراعظم عمران خان کی خواہش
ہے کہ پاکستان کا ہر شہری سر اٹھا کر چلے۔