پاکستان کیمیائی ہتھیاروں پر پابندی کی تنظیم کی ایگزیکٹو کونسل کا رکن منتخب ہوگیا ہے
تفصیلات کے مطابق ترجمان دفتر خارجہ کا کہنا ہے کہ پاکستان کیمیائی ہتھیاروں پر پابندی کی تنظیم کی ایگزیکٹو کونسل کے لیے منتخب ہوگیا ہے، پاکستان کو 24-2022 تک پھر تنظیم کا رکن منتخب کیا گیا ہے۔
ترجمان کا کہنا ہے کہ انتخابات 29 نومبر سے 2 دسمبر تک ہیگ میں اجلاس کے دوران ہوئے۔
ترجمان کے مطابق ایگزیکٹو کونسل کیمیائی ہتھیاروں پر پابندی کی تنظیم کا پالیسی ساز ادارہ ہے۔ پاکستان کیمیائی ہتھیاروں پر پابندی کی تنظیم کا ایک فعال رکن ہے۔ پاکستان تنظیم کے مقاصد کی تکمیل کے لیے تعمیری کردار ادا کر رہا ہے۔
دفتر خارجہ کی جانب سے مزید کہا گیا کہ ایگزیکٹو کونسل کے لیے دوبارہ منتخب ہونا پاکستان کے مثبت کردار کا ثبوت ہے۔