صوبہ بلوچستان کے دارالحکومت کوئٹہ میں جناح روڈ سائنس کالج کے قریب دھماکا ہوا ہے جس کے نتیجے میں 4 افراد جاں بحق ہوگئے۔
صوبہ بلوچستان کے دارالحکومت کوئٹہ میں جناح روڈ سائنس کالج کے قریب دھماکا ہوا ہے جس کے نتیجے میں 4 افراد جاں بحق ہوگئے۔
کوئٹہ کے علاقے جناح روڈ سائنس کالج کے قریب دھماکا ہوا جس کے نتیجے میں 4 افراد جاں بحق اور 15 زخمی ہوگئے۔
پولیس کا کہنا ہے کہ دھماکے کی نوعیت کا تعین کیا جارہا ہے، پولیس نے علاقے کو گھیرے میں لے لیا۔
ذرائع کا بتانا ہے کہ اسپتالوں میں ایمرجنسی نافذ کردی گئی ہے جبکہ دھماکے کے زخمیوں کو سول اسپتال منتقل کردیاگیاہے۔
مشیر داخلہ بلوچستان میر ضیا لانگو نے متعلقہ حکام سے رپورٹ بھی طلب کرلی۔
میر ضیا لانگو کا کہنا ہے کہ دھماکے میں انسانی جانوں کا ضیاع افسوسناک ہے، دھماکے کے زخمیوں کو فوری اور بہتر طبی امداد دی جائے۔
انہوں نے کہا کہ امن کے دشمن مذموم مقاصد میں کامیاب نہیں ہوسکتے، دہشت پھیلانے والے باہمت قوم کے حوصلے پست نہیں کرسکتے۔
مشیر داخلہ کا کہنا تھا کہ سائنس کالج میں سیاسی جماعت کی سرگرمی تھی، دھماکا ریموٹ کنٹرول ڈیوائس کے ذریعے کیا گیا۔