Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Jan 07, 2022 04:29 pm views : 566

Islamabad - Corona virus cases are on the rise across the country

ملک بھر میں کرونا وائرس کیسز میں اضافہ دیکھا جارہا ہے

ملک بھر میں کرونا وائرس کیسز میں اضافہ دیکھا جارہا ہے، ایک روز کے دوران کرونا وائرس کے 1200 سے زائد نئے کیسز رپورٹ ہوئے جبکہ ملک بھر میں مجموعی کیسز کی تعداد 13 لاکھ سے تجاوز کر گئی۔
تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے مزید 6 مریض انتقال کر گئے جس کے بعد کرونا وائرس سے مجموعی اموات کی تعداد 28 ہزار 961 ہوگئی۔
این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 12 سو 93 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 13 لاکھ 1 ہزار 141 ہوگئی۔
ملک میں کرونا وائرس سے صحت یاب مریضوں کی مجموعی تعداد 12 لاکھ 58 ہزار 86 ہوچکی ہے۔
این سی او سی کے مطابق گزشتہ 24 گھنٹوں کے دوران کرونا وائرس کے 51 ہزار 145 ٹیسٹ کیے گئے، اب تک ملک میں 2 کروڑ 37 لاکھ 6 ہزار 375 کووڈ 19 ٹیسٹ ہوچکے ہیں۔
این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 2.52 فیصد رہی، ملک بھر کے 631 اسپتالوں میں کرونا وائرس کے 609 مریض تشویشناک حالت میں ہیں۔
ملک میں اب تک 9 کروڑ 91 لاکھ 44 ہزار 159 افراد کو ویکسین کی ایک ڈوز جبکہ 7 کروڑ 34 لاکھ 84 ہزار 322 افراد کو ویکسین کی دونوں ڈوزز لگائی جا چکی ہیں۔
اومیکرون کے باعث کورونا وائرس کی پانچویں لہر سے سب سے زیادہ ملک کا معاشی حب کراچی متاثر ہے جہاں گزشتہ روز 650 کیسز سامنے آئے۔
کراچی میں کورونا کیسز مثبت آنے کی شرح بڑھ کر 10.25 فیصد تک پہنچ گئی ہے۔