Jul 25, 2024 08:30 pm
views : 465
Location : Domestic Place
Islamabad- The political situation is going towards disaster: Sheikh Rasheed
سیاسی صورتحال تباہی کی طرف
جا رہی ہے، فائدہ عمران خان کو ہو رہا ہے، شیخ رشید کا کہنا ہے کہ 31 اگست
تک ملکی سیاست کے مستقبل کا کٹی کٹا نکل آئے گا ، قوم بجلی کے بلوں سے تنگ
ہیں بھائی بھائی کو مار رہا ہے
عوامی مسلم لیگ کے سربراہ شیخ رشید نے کہا ہے کہ سیاسی صورتحال تباہی کی طرف جا رہی ہے، فائدہ بانی پی ٹی آئی کو ہو رہا ہے۔
عدالت
پیشی کے موقع پر میڈیا سے گفتگو کرتے ہوئے شیخ رشید کا کہنا تھا کہ 31
اگست تک لال حویلی خاموش ہے، ہم نے ایک نہیں 101 بار کہا 31 اگست تک سیاست
میں نہیں ہیں، ہم کہتے ہیں 31 اگست تک کوئی سیاسی بیان نہیں دیں گے۔
سابق
وفاقی وزیر کا کہنا ہے کہ جب کسی کی عقل پر پردے پڑ جاتے ہیں تو پھر کیا
ہوتا ہے، یہ تو پی ٹی آئی پر پابندی لگانا چاہتے تھے، 31 اگست تک سامنے
آجائے گا کہ ملک کی سیاست کیا ہے۔
شیخ رشید نے کہا کہ لال حویلی ہماری
ملکیت ہے، ہائی کورٹ نے ہمارے حق میں فیصلہ دیا ہے، مجھے نوٹس ملا کہ میں
سیکریٹری مذہبی امور کے پاس حاضر ہو جاؤں۔
شیخ رشید کا کہنا ہے کہ کہا
گیا کہ یہ سماعت آج ملتوی نہیں ہوسکتی، ساڑھے 9 بجے بلایا گیا لیکن
سیکریٹری مذہبی امور موجود نہیں، سمجھ نہیں آرہی کہ انہوں نے کیوں نوٹس
دیا، اب بھی ہم پھر ہائی کورٹ جائیں۔
انہوں نے کہا کہ لال حویلی میرے
بھائی کے نام ہے، میری وہاں رہائش ہے، ، بھارتی فلمساز مہیش بھٹ نے 2 بار
لال حویلی پر فلم بنانے کی درخواست کی، میں نے اجازت نہیں دی۔
شیخ رشید
کا کہنا ہے کہ عدالتیں اس دفعہ ان کو روند دیں گی، عدلیہ سے آہنی ہاتھوں سے
نمٹنے کی باتیں کریں گے تو کیا ہو گا، سیاسی لوگ ایک ہی ٹھوس کیس بناتے
ہیں میرے خلاف 14 کیسز ہیں۔
عوامی مسلم لیگ کے سربراہ نے کہا کہ قوم
بجلی کے بلوں سے تنگ ہیں بھائی بھائی کو مار رہا ہے، میں دو بڑوں کو کہتا
ہوں کہ ان کو فارغ کریں، حکومت ایک نفرت کا نشان ہے، نالائق ہے۔
انہوں نے کہا کہ صرف تنگ کرنے کے بہانے ہیں، ہائی کورٹ قرار دے چکی کہ ہمارے خلاف کوئی کیس نہیں۔